DILI – Treinador selesaun Nasional sub 19 Eduardo Pereira husik ona Ponta Leste hodi fokus ba ekipa sub 19, tanbá Federasaun Futebol Timor Leste (FFTL) no Asian Futeboll Confederation (AFC) iha kriteriu katak kuandu lidera ekipa nasional labele fo lidera klubu.
“Hau la’os lakoi atu lidera ekipa Ponta Leste, maibé FFTL no AFC iha kriteria hodi bandu treinador ekipa nasional labele lidera klubu, tanbá ne’e hau tenki husik duni Ponta Leste” relata Eduardo ba Desportu.XYZ iha kampu demokrasia kinta (15/07).
Nia haktuir, inisiu lidera ekipa Ponta Leste hahu husi liga primeiru to mai agora hanesan treinador no sai mos na’in ba Ponta Leste, tanbá prinspiu klubu nian katak jogador se deit mak mai hamutuk ho Ponta Lest hotu-hotu nain.
Tinan ida ne’e jogu Liga Futebol Timor Leste no copa FFTL lao hau sei la hamutuk ona ho Ponta Leste, maibé estrutura klubu presija hau prontu fo kontribuisaun ba Ponta Leste iha kualker jogu.
“Agora estrutura klubu seidauk deside treinador foun balun hodi subtitui hau nia fatin, tanbá sira fo hela konfiansa mai hau hodi buka fali treinador foun”
Eduardo haklaken,tuir hau nia hare treinador ne’ebé mak atu subtitui hau nia fatin mak Asistenti treinador selesaun nasional sub 19 Francisco Arauju.
Treinador Francisco hau kontaktu ona, no nia aseita prontu lidera Ponta Leste, maibé treinador refere seidauk hasoru malu ho dirijente klubu.
About Post Author
