DILI-ekipa Emanuel Fc susesu sai kampiaun ba primeiru segundu divizaun epoka 2021, hafoin trava nia adeversario Academica 2-0 iha estadiun Munisipal Dili tersa (07/12)
Iha inisiu jogu ekipa rua tun ho anbisaun ida hakarak rekoila vitoria hodi hetan kampiaun, maibé Emmanuel Fc ne’ebé mak tun ho jogador maioria selesaun nasional dumina liu bola iha grande defensive Academica nian halo deveza tenki hasai kosar hodi salva sira nia rede.
Ho dumina bola ne’e halo Academica nia deveza tenki naksobu, bainhira jogador Alexandre Moreira doko guarda rede Otilio Guterres iha minutu 11, hafoin simu bola kruza husi Filomeno Savio iha parte los hodi hatur eskor ba 1-0.
Golu ne’ebé mak Emmanuel hatudu ne’e la hamonu esperitu jogu husi Academica, bainhira jogador Pascoal Fernandes lansa suta ameasa ida iha area penalidade laran, maibé bola liu deit besi rin Emmanuel Fc nian.
Jogador Filomeno Xavi hanesan avansadu kroat Emmanuel nian halo deveza Academica nia tenki halo lutu makas nia, wainhira Xavi ultrapasa deveza Romulo Escorial hodi kruza bola furak ida ba Alexandre Moreira, maibé bola refere simu liu deit rin baliza leten.
Esforsu husi jogador nain rua refere, ikus mai Alaxandre Moreira hakerek tan nia naran iha papan eskor iha minutu 45 ba primeira parte nian, hafoin simu bola husi Felomenio Xavio iha parte los hodi taka primeira parte ho eskor 2-0.
Kontinua ba segunda parte, treinador Luisinho dos Santos koko halo mundansa jogu hodi uza tatika jogu ho bola a’as, ekuantu trenador Emiliano da Silva responde ho bola badak halo Academica difisil los atu hetan bola.
Academica kontinua hetan presaun maka’as husi Emmanuel fc suta livre liu dala 6, suta falta 4, maibé bola tolu mak konsege guarda rede Academica Otilio Guterres salva.
Ameasa ne’ebé mak Emmanuel halo fila fila ba Academica nia guarda rede, maibé deveza Academica sei la fo fatin ba Emmanuel atu ense golu to’o jogu remata vitoria ba Emanuel ukun 2-0.
About Post Author
