DILI – Treinadór ekipa segundu devizaun Sporting de Timor, Moises da Silva iha esperansa bo’ot sei halakon Karketu Dili iha jogu daruak Copa Federasaun Futeból Timor Leste ne’ebé mak sei hala’o kuarta (03/09) iha Estádiu Munisipál Dili.
Ekipa Sporting hanesan ekipa ida ne’ebe mak foin mak promovidu ba jogu segundu devizaun Liga Futeból Timor Leste LFTL iha époka da ha’at tinan kotuk.
Iha tinan ne’e Sporting de Timor hakat pasu ida hodi compete iha copa FFTL hamutuk ekipa forte sira ne’ebé mak hala’o ona jogu premeira divizaun LFTL.
“Ami hatene muitu ben Karketu ekipa ida ne’ebe mak forte, maibè la segnifika Esporting fraku. Ha’u sei iha esperansa jogu 90 menutus ami hetan rezultadu di’ak kontra Matak Malirin”relata Moises da Silva ba jornalista desportu iha kampu demokrasia, segunda (01/09).
Nia haktuir ekipa hotu iha preparasaun di’ak hodi mai compete iha Kopa FFTL tinan ne’e hanesan mós sporting nia preparasaun loron-loron antes hala’o jogu.
Ekipa Karketu Dili foin primera ves hala’o jogu dala ida iha copa FFTL ho Sporting, ida ne’e hanesan motivasaun ida ba sira atu prepara ba jogu kontra ekipa seluk iha primeiru divizaun. (Eugenio)
About Post Author
