DILI – Jogu daruak iha grupu A, DIT-FC kontra Santa Crus iha primeira parte ekipa rua finaliza ho rezultadu 0-0. Enkuantu vitória mosu iha segunda parte no pertense ba DIT-FC.
Hafoin árbitru Angelo X Do Santos huu apitu lian hodi hahú kick off ekipa rua hahú jogu ho ritmu kalma. Enkuantu DIT kontrola bola barak liu hodi atake atake sira ne’ebé ladún fó ameasa.
Jogu la’o to minutu 24 akontese fouls ida iha grande area Santa Cruz nian, Kapitaun DIT Jose Santos marka free kick ida ho distánsia metro rua besik grande area maibé bola kona de’it rede hodi reflect tama fali kampu laran.
Lao to’o minutu 35, DIT liu hosi kapitaun nafatin tun hosi liman los lansa bola crossing ne’ebé aserta jogadór DIT kamizola 8 (Jovánio Braz) tenta halo kabesada maibé bola ba los guarda rede simu no salva tiha bola refere.
Ekipa termina de’it 45 minutu parte dahuluk jogu nian ho rezultadu empata 0-0.
Tama fali segunda parte DIT FC kontinua lansa atake agresivu hatudu duni rezultadu iha minutu 59, bainhira Jose do Santos ne’ebé hola pozisaun iha grande area laran aproveita konverte bola barullu sai golu hodi muda rezultadu jogu 1-0.
Tuir fali, DIT iha hela presaun bainhira bola sei domina hosi Santa Crus hodi halo atake iha minutu 70 defeza DIT FC ho lais salva bola hodi soe sai hosi sira nia area no simu kedas hosi Feliciano Gonçalves iha klaran hodi hakat liu risku klaran iha momentu liña kotuk Santa Crus nian menus ema.
Jogadór kamizola 77 ne’e dudu (drible) sa’e no tama too area risku Santa Crus nian akompaña kedas ho jogadór na’in rua seluk tanba laiha liña kotuk ne’ebé taka metin, jogadór DIT halo kombinasaun pasajen bola badak hodi hamosu golu datoluk hosi jogadór Lourenco Ximenes iha minutu 72.
Golu rua hosi DIT ne’e mantein to árbitru huu iha minutu ikus nian hodi termina jogu no vitória pertense ba DIT FC. (Augusto)
About Post Author
