Dili-Orgaun Liga Futebol Timor Leste (LFTL) ho Federasaun Futebol Timor Leste (FFTL) Simu ona karta husi Sekretáriu Estadu Juventude no Desportu (SEJD) hodi hala’o inkontru try parte hodi deskuti sobre liga epoka 2022.
Karta ne’ebé mak SEJD Abrao Saldanha haruka mai LFTL iha loron kinta dia 20 de fulan Jullu tinan ne’e.
Kontiudu husi Karta SEJD nian ne’e mak husu bá prezidenti FFTL Francisco Jeronimu no Prezidenti LFTL Nilton Gusmao atu hahú komunikasaun hodi atinji konkordansia bá efeitu ida ne’e.
No membru Governu ne’e mós fiar katak prezidenti nain rua nia komunikasaun no konkordansia ne’e bele lori dezenvolvimentu Futebol iha ita nia rai bele a’as liu tan liu-liu liga Futebol.
Tanba ne’e deritor Administrasaun Portukolu LFTL Janio Tilman deklara,kontiudu husi Karta ne’ebé SEJD manda mai ne’e atu husu Prezidenti nain rua ne’e bele tur hamutuk hodi hala’o inkontru atu desidi liga epoka tinan ne’e.
“Hare bá kontiudu husi karta ida ne’e,inisiativa liga nian hahú tiha ona fulan kotuk no ita aprezentasaun Kalendariu sira hotu bá FFTL atu realiza liga ne’e iha fulan kotuk,maibé karta husi SEJD ne’e LFTL prontu atu inkontru no Hein de’it resposta husi FFTL”tenik Janio bá jornalista iha Estadiun Munisipal Dili Segunda (25/07)
Tuir nia katak,pozisaun liga nia prontu kualker tempu de’it atu inkontru tanba ami halo ona esforsu lubuk ida,maibé seidauk hetan resposta husi FFTL bá inkontru two parte.
“Ami husu ho haraik A’an tebes bá FFTL bele iha posiblidsde atu loke netik iha fulan Jullu nia laran bá parte rua atu tur hamutuk hodi hola dezisaun ida atu ita nia Desportu ne’e bele la’o fali hanesan iha 2015″Áfirma Janio
Nia sublina,LFTL sei la halo tan tentativa bá FFTL kona-ba inkontru refere tanba karta ne’ebé SEJD haruka mai ne’e bá dereita FFTL no LFTL atu hala’o inkontru try parte.
Tanba ne’e LFTL agora hein de’it resposta husi FFTL hanesan orgaun ida ne’ebé a’as liu,tan ne’e ami hein kualker tempu.
About Post Author
