Dili-governu liu husi Sekretáriu Estadu Juventude no Desportu (SEJD) simu ona proposta orsamentu husi Liga Futebol Timor Leste (LFTL) no Federasaun Futebol Timor Leste (FFTL) atu realiza liga Timorense epoka 2022-2023
Tanba ne’e SEJD prontu ona atu fó orsamentu bá orgaun regulador sira hodi bele realiza liga iha fulan Dezembru tinan ne’e.
Sekretáriu Estadu Juventude no Desportu Abrao Saldanha hato’o lia hirak ne’e, hafoin remata semináriu nasionál bá komemorasaun Masakre Santa Cruz 12 Novembru bá dala XXXI iha salaun Laline Larigutu CNE kuarta (09/11)
Tuir nia katak, proposta Liga nian mai tha ona i proposta ne’e sira hato dehan atu realiza liga iha fulan Dezembru tinan ne’e.
“Entaun governu liu husi SEJD prontu ona no hein de’it fó osan bá orgaun regulador sira atu organiza liga iha fulan Dezembru”
Nia haktuir, importante mak LFTL ho FFTL atende malu di’ak hodi organiza liga ,governu iha osan tau de’it.
Entertantu, proposta ne’ebé mak orgaun LFTL ho FFTL submete bá iha SEJD ne’e hodi husu orsamentu bá realiza liga no mós ho Kalendariu do jogu ne’ebé mak sei halao iha fulan Dezembru no remata iha fulan Marsu 2023
Enkuantu, orsamentu ne’ebé mak SEJD sei tau ba organiza liga hamutuk 240 mil, no FFTL sei tau 200 mil bá finansial Sport Klube sira nian.
About Post Author
 simu ona proposta orsamentu husi Liga Futebol Timor Leste (LFTL) no Federasaun Futebol Timor Leste (FFTL) atu realiza liga Timorense epoka 2022-2023 %%title%%){kind=link}