DILI-(Desportu XYZ) atleta nain lima kompostu husi feto rua no mane tolu husi Federasaun Karate-do Timor-Leste (FEKATIL) sei Aranka bá Jakarta Indonezia iha loron 15 fulan Novembru tinan ne’e hodi bá kompete iha World Karate Federation (WKF) Seria A iha Jakarta, Indonesia.
Kompitisaun ne’e sai hanesan kompetisaun internasional Karate nian atu nasaun sira hadia pozisaun.
“Ita nia atleta nain lima ne’ebé mak atu kompete iha World Karate Federation iha Jakarta, Indonesia ne’e selesionadu husi FEKATIL,la’ós hili de’it” afirma Filomeno S.de Araújo bá jornalista sira iha salaun CDTL kinta (10/11)
Tuir nia, atleta sira ne’ebé mak sei kompete iha eventu refere mak hanesan,Lucelia Solinha Fernandes sei kompete iha 68 KG, atleta Romana do Carmo dos Santos kompete iha Kata/Jurus, atleta Lucas da Silva Ailerbito Quefi kompete iha 55 KG, atleta Deonisio Fernandes Pereira Quefi kompete iha 67 KG no atleta Jacob Manuel kompete iha 75 KG.
“WKF Ida ne’e programa organizasaun internasional Karate-Do nian ne’ebe Timor-Leste tenki partisipa para hadia pozisaun bá nasaun Timor-Leste iha organizasaun mundial tanba para hafasil federasaun lori atleta Timoroan ba partisipa eventu internasional sira”
Filomeno dehan, atleta sira nia partisipasaun ne’e hetan apoiu husi Sotokhan Karate-Do Timor-Leste, Kusin-ryu Karate-Do Timor-Leste no Goju-ryu Karate-Do Timor-Leste ne’ebe hamahan iha FEKATIL.
” FEKATIL nia esperansa ba atleta sira mak tenki hetan buat ruma, maibé depende bá atleta sira hatudu jogu tanba jogu iha lakon no manan no kompetisaun ne’e mos sei kompete husi nasaun atus ida resin”
Iha fatin hanesan Atleta Deonisio Fernandes Pereira Quefi hatete, preparasaun ba kompetisaun WKF ne’e sira sente preparasaun minimu tebes ba kompetisaun internasional karate nian.
Maibé hasoru difikuldade ba durasaun treinamentu, fasilidade, hahan no fatin treinu, maibé agradese ba FEKATIL tanba bele buka dalan suporta ami bá partisipa kompetisaun ne’e no esperansa ba kompetisaun iha prosesu nia laran.
Enkuantu,atleta sira sei Aranka bá Jakarta Indonézia iha loron 15 fulan Novembru no Kompitisaun refere sei hahu iha loron 18 to’o loron 20 fulan Novembru tinan ne’e.
Delegasaun ne’ebé mak sei aranka ne’e hamutuk nain 10 kompostu husi ofisiál no trenador.
About Post Author
 atleta nain lima kompostu husi feto rua no mane tolu husi Federasaun Karate-do Timor-Leste (FEKATIL) sei Aranka bá Jakarta Indonezia iha loron 15 fulan Novembru tinan ne'e hodi bá kompete iha World Karate Federation (WKF) Seria A iha Jakarta, Indonesia.){kind=link}