DILI-(Desportu XYZ) governu liu husi Sekretariu Estadu Joventude no Desportu (SEJD) servisu hamutuk Governu Coreia liu husi COICA termina ona formasaun bá atividade Futebol Juvenil hamutuk labrik 800 ne’ebé mak durante ne’e halao formasaun trenu iha kampu alor.
Trenamentu ne’e hala’o durante fulan 6 kampu Futebol kampu alor no labrik kompostu husi feto 400 no mane 400.
Programa COICA Ho SEJD serbisu hamutuk ne’e ho naran projetu Desportu dezenvolvementu Futebol labarik sira iha Timor-Leste atu sai Juventude ida ne’ebé diak bá nasaun iha futuru.
Sekretariu Estadu Joventude no Desportu Abrão Saldanha haktuir, atividade ne’e kooperasaun entre SEJD ho governu Corea liu husi KOICA hodi dezenvolve labarik sira liu husi futebool Juvenil.
“Ita halo atividade ne’e fulan neen nia laran, ohin sira mai atu fo rekoñesimentu bá sira nia kompetensia ne’ebé sira iha no bá alin sira ne’ebé mak partisipa iha tournament ne’e,tanba programa ne’e nia intensaun mak prepara atu sai futbolista ida diak no mós sai ema ne’ebé diak bá futuru nasaun”afirma nia iha kampu demokrásia segunda (21/11)
Tuir Abrao, programa ida ne’e di’ak, ne’ebé ba oin ita sei kontinua atividade ne’e husu labarik sira atu nafatin partisipa
atividade preparasaun ba labarik sira ne’e laos deit futebol, maibé sira hanorin oinsá sai joven ka labarik ida ne’ebé diak liu iha futuru.
Governante ne’e esplika,,koalia kona-ba Edukasaun sivika oinsá kontrola labarik sira nia emosaun, hatene igualdade jeneru, konportamentu diak, ne’e mak pakote ida husi treinamentu ne’ebé iha.
“Tinan oin sei rekruta tan labarik sira tanba projetu ne’e sei kontinua no bainhira halo hotu ona kampu Bintang Bidau, Comoro, Kampung Alor no Becora, tinan oin sira bele rekruta tan iha fatin sira ne’e atu aumenta liu tan ekipa joven sira bele treinu ba feto no mane.
Nia sublina, projetu COICA ne’e iha Dili laran deit tanba ne’e Federasaun Futebol Timor Leste FFTL ho Governu mak hanoin atu halo atividade hanesan ne’e iha Munisipiu sira liu husi akdemia Futebol Juvenil no programa Grassrooth, agora dadaun halo hela nia esperiénsia iha ne’e bele multiplika iha munisipiu liu husi Governu ho Federasaun Futebool Timor-Leste.
Nia mós agredese bá Governu Korea liu husi programa ida ne’e hamutuk ho KOICA no sira seluk ne’ebé mak servisu makas no projetu nee sei remata iha 2024
Entertantu,Field Manager KOICA Min Young Lee hateten, atividade ne’e halao durante fulan neen,entaun ohin ikus ba festival no kompetisaun mos iha tanba akademia fulan neen nian remata ona no sira bele simu sertifikadu, tanba kompetisaun ne’e mos diak tanba Labarik sira bele aprende Taekwondo laos Joga bola deit
“Tinan oin ami sei kontinua fali, iha tinan ne’e sira remata ona maibe tinan oin iha fulan marsu ami rejistu foun ba kiik oan sira kontinua lor-loron atu bele dezenvolve”,dehan nia
Enkuantu Diretor Tekniku Federasaun Futebool Timor-Leste Gaspar Quintão katak ho labarik sira nia partisipasaun iha ne’e liu husi programa nee laos hare deit ba futebol maibe atu hamosu Juventude ida neebe diak ba futuru nasaun nian
“Ami kontente tebes tanba programa ida ne’e diak hodi apoiu atividade programa Grassrooths ho Youth Development nian iha area Futebol iha Timor Leste liu liu bele akomoda ita nia alin jogador kiik oan sira feto ho mane ne’ebe hela iha Dili laran”
durante ne’e sira nia talentu subar hela liu husi programa ne’e bele akomoda ona sira hodi ezerse sira nia talentu no kapasidade ne’ebe mak iha”
About Post Author
