Dili-(Desportu XYZ) Sekretáriu Jerál klube Ad SLB Domingos Caeiro deklara,klube sira agora ne’e laiha tempu atu Partesipa iha Liga Futebol Timor Leste LFTL iha fulan Dezembru tinan ne’e tanba udan no Selebrasaun bá loron Natál.
“Federasaun Futebol Timor Leste FFTL ho LFTL tenki tetu asuntu rua molok hahú Liga,tanba ita hatene fulan Dezembro ne’e selebrasaun Natál no ida mak tempu agora udan monu rai,ho asuntu sira ne’e bele fó inpaktu bá Liga”dehan nia iha kna’ar fatin Taibesi tersa (22/11)
Tuir Domingos, Klubu nafatin hakarak tuir liga, maibé la’ós ho maneira hanesan agora ne’e Sekretariu Estadu Juventude no Desportu EJD,Federasaun Futebol Timor Leste FFTL no LFTL, ne’ebé hakarak dada liga ne ba to’o fulan Dezembro.
tamba ne’e klubu hein FFTL no LFTL tenki konvida hodi esplika kona-ba tamba saida mak liga ne’e adia hela deit. Serra que tamba osan Ou tamba buat seluk.
“Klubu iha direto no dever atu hetan uluk esplikasaun, tanba modelo atu hala’o kompetisaun ne’e, Liga ga kopa ou taxa deit. Se liga karik oinsa ho nia sistema ba liga ne’e rasik kompetisaun full ga”afirma Caeiro
Sei kompetisaun full LFTL no FFTL mos tenki tetu bá asunto rua mak determinante ba implementasaun liga ne rasik,hanesan Asunto ida mak ita hatene tama ona ba Dezembro udan hahu monu rai no iha Dezembro ne’e mos selebrasaun Natal no tama kedas ba Ano Novo 2023 i segundo mak ita hotu rona katak Nai prezidenti sei anunsia data kampanha Eleisaun Parlamentar iha fulan Febereiru, Asunto rua ne’e kestaun fator ida ne’ebé sei bele empede liga ne’e rasik. Asunto ida seluk mak subsidio ba klubu.
Tamba ne’e mak klubu tenki hetan uluk esplikasaun antes ba rejistu, se FFTL no LFTL obriga deit hau fiar katak klubu maioria sei la rejistu.
Nia sublina liu tan, klubu mos deskonfia SEJD no FFTL tenta hakarak obriga liga la’o tamba deit atu priense relatorio anual tanba ne’e ami husi parte klubu lakoi atu sai vitima hela deit ho hahalok sira hanesan ne’e tanba husi klubu mak halibur jogador sira ne’ebé potensial atu tama ba selesaun nasional.
“Realidade hatudu momos katak depois klubu sira mosu liu LFA – LFTL durante tinan 5 laran nia laran ita bele iha jogador diak hanesan agora ne’e, Maski dirijente FFTL rasik nunka rekonhese kontribuisaun husi klubu.”
Maibe ami ho vontade boot nafatin no nafatin hakarak halibur talentu foin sae sira liu husi modalidade futebol, tamba klubu nia interese mak paixaun bá Futebol.
About Post Author
