DILI-iha loron 27 fulan Maiu 2022,governu liu husi Sekretáriu Estadu Juventude no Desportu (SEJD) atribui ona Premeu bá Atleta husi modalidade 3 ne’ebé mak hetan medalia 5 iha eventu Sea Games tinan ne’e iha Vietnam.
Premeu ne’ebé mak ita nia governu oferese bá atleta sira tuir diploma Ministerial mak hanesan, atleta Atletismu Felisbertu de Deus hetan medali osan mutin 2 simu orsamentu husi medalia 2 ne’e ho valor hamutuk $ 15.000.00.
Enkuantu,Atleta husi Modalidade Boxing, Delio A.Mozinho hetan medalia osan mutin 1 ho nia montante premeu hamutuk $ 7.500.00 no José da Silva ho medalia osan metan 1 hetan premiu ho nia valor $ 4.500.00.
No atleta husi Taikwondo Santina S.Fernandes ho medalia osan metan 1 ho nia motante valor hamutuk $ 4.500.00.
Hafoin simu prémiu husi SEJD Atleta Atletismu Felisbertu de Deus hatete,agradese bá oetavu governu ne’ebé mak lidera husi Premeru Menistru Taur Matan Ruak ne’ebé ohin entrega ona premeu bá ami.
“Ho premeu ne’ebé mak ohin simu ne’e ha’u rai hodi uza bá futuru oin mai no sei uza mós bá ha’u nia trenamentu loron lorloro”tenik atleta sira iha resturante Mitiaut sesta (27/05)
Nia afirma, premeu ne’ebé governu ohin oferese mai ami ne’e,ami senti satisfas tanba premeu refere tuir diploma Ministerial iha.
Sorin seluk Atleta Boxing Delio Mozinho haktuir,ha’u agradese bá governu liu husi SEJD ne’ebé mak oferese ona premeu bá ami no lahaluha obrigadu barak bá SEJD.
“Ha’u husu bá Governu labele hare de’it ba premeu ne’e,maibé tenki kria fatin ida ba ami atleta sira atu nune’e ami bele ternu ho di’ak no labele husik ami la’o livre”dehan Delio
Aleinde ne’e mós nia promete sei hatudu fali rezultadu di’ak iha Sea Games tinan oin mai tanba governu iha ona planu atu haruka ami bá trenu iha Cuba no Felipina.
Iha fatin hanesan Atleta Takwondo Santina S.Fernandes informa,hanesan atleta senti orguliho ho premeu ne’ebé mak governu oferese ona bá buat ne’ebé ami esforsu,ami senti satisfas tebes.
Kona-ba premeu ohin ha’u hetan ne’e,ha’u sei rai hodi uza bá nesesidade ne’ebé mak ha’u perzisa iha perparasaun. Entertantu,premeu bá trenador husi modalidade 3 hanesan,Trenador Atletismu hetan premeu ho motante $ 2.500.00 no trenador Boxing 2.500.00 no inklui mós Taikwondo.
About Post Author
