Dili-klube 8 ne’ebé mak resistu ona iha Federasaun Futebol Timor Leste (FFTL) sei tuir apuramentu terseru devizsun Liga Timorense De Futebol Femenina (LTFF) iha fulan Jullu tinan ne’e.
Klube 8 ne’ebé mak atu kompete iha terseru devizaun tinan ne’e mak hanesan, Nature Fc, Portu Taibesi, Relai Laleia Fc, Cafe Ermera, Weasel Fc, Laku Ten, Tokodede Fc no seluk tan.
Oficial Compitisaun Liga Feto Raimundu Nonatu Soares hatete,antes ne’e ami fó sai ona avizu iha 21 de Abríl katak,sei loke resistu bá klube sira ne’ebé mak hakarak kompete iha terseru devizaun tinan ne’e.
“Ohin taka ona resistu bá klube sira tanba ami simu de’it klube 8 mak bele bá kompete iha terseru devizaun tinan ne’e”relata Raimundu Nonatu ba jornalista iha sede FFTL Bairu Grilos segunda (30/05)
Nia afirma,tuir data tentativa ne’ebé mak iha sei hala’o aporamentu terseru devizaun Liga Feto iha loron 16 fulan Jullu tinan ne’e.
Iha klube 8 ne’ebé atu kompete bá faze apuramentu ne’e,reprezentante husi Asosiasaun Ermera,Lautém,Aileu, Dili no Viqueque.
“Ami mós iha Regulamentu ida bá jogador sira ne’ebé joga ona premeru devizaun no segundu labele haforsa fali ekipa terseru,sei karik ida ne’e mak akontese ami sei fo sansaun bá jogador refere”tenik Nonatu
Nia Saleinta,ami kria apuramentu terseru devizaun ne’e atu foti klube 3 bá kompleta klube segundu devizaun sai bá 8 tanba agora dadauk ne’e Klube 5 de’it no premeru devizaun iha klube 6.
About Post Author
