DILI – (Desportu.XYZ) governu liu husi Sekretáriu Estadu Juventude no Desportu SEJD apoiu orsamentu $ 2.5 Milloes ho naran fundus dezenvolvimentu bá organizasaun Arte Marsiais hamutuk 18 inklui organizasaun federativa balun.
Prezidenti Komisaun Regulador Arte Marsiais KRAM Fernando da Costa deklara, inkontru ida ohin ne’e ho nia objetivu atu sosializa fundu ida bá apoiu dezenvolvimentu organizasaun Arte Marsiais sira.
“Fundus ne’e ho totál hamutuk $ 2.5 Milloes,maibé fahe bá komponente lima hodi apoiu bá organizasaun Arte Marsiais hamutuk 18 no mós organizasaun Federativu balun tanba sira hola parte bá Desportu kombate”afirma prezidenti KRAM bá jornalista sira iha SEJD segunda (30/01)
Nia infoma,komponente lima ne’e mak,ida fahe ba sira nia sekretariadu organizasaun nian no resensiamentu bá membru, formasaun bá trenador sira, Kompitisaun kada organizasaun no mós sira nia sede.
“Husi organizasaun 18 ne’e organizasaun balun ne’e federativa, ezemplu hanesan Taikwondo, Kara-tedo, Silat no Boxing, maibé sira seluk ne’e Federasaun babain hanesan Silat”dehan nia
Organizasaun sira hotu sei hetan osan tuir sira nia membru,sei membru barak liu sei hetan osan tuir ida ne’e,tanba ne’e organizasaun hanesan PSHT,KORK no IKS sei hetan orsamentu kada organizasaun 300 Mil no sira ne’ebé membru kiik sei hetan 60 mil
Fatin seluk prezidenti PSHT Baltazar Seixas Lemos sublina,kona-ba bá fundu ne’e ita labele hare nia montante kiik ga boot,maibé governu iha konsensia no inisiativa oinsá atu apoiu kona-ba Arte Marsiais ami prontu,maibé ami mós sei perpara A’an di’ak lai.
“Kona-ba dadus provezorio ne’ebé mak ami hetan husi resensiamentu bá membru sira ne’e hamutuk 15 mil”
Prezidenti IKS Silvester Sufa haktuir,ho orsamentu ne’ebé mak governu apoiu bá Arte Marsiais sira ne’e, ha’u sei koalia ho SEJD kona-ba orsamentu kapitál dezenvolvimentu ne’e di’ak liu SEJD Lalika fó mai IKS,maibé ezukuta husi SEJD tanba ita aprezenta dezenho sede nian ba governu mak ezukuta atu nune’e relatori labele ulun moras.
Silvester esplika,dadus provezorio ne’ebé mak ha’u hetan husi resensiamentu bá membru IKS sira hamutuk 25 mil.
About Post Author
