DILI-(Desportu XYZ) Segundu Vice prezidenti klube Aitana Fc Joao Samantha Sousa deklara, kona-ba preparasaun klube Aitana Fc bá Epoka 2022-2023, ami hahú treinu horsehik no semana oin ami prontu bá registu ona iha Liga Futebol Timor Leste LFTL.
“Kestaun ida halo ami bá registu iha semana oin ne’e tanba ami sei akompania prosesu transferensia fundus husi Sekretáriu Estadu Juventude no Desportu SEJD bá Federasaun Futebol Timor Leste FFTL bá klube sira ne’e oinsá” afirma Samantha bá Desportu XYZ liu husi Via Whatsap kinta (26/01)
Nia haktuir, ami lakohi registu tha jogador, depois ikus mai desizaun tun dehan liga kanseladu tanba ne’e mak ami sei akompania prosesu hafoin bá registu.
“Ami husu LFTL ho FFTL tenki iha serteza bá fundus Finansial suport bá klube sira” tenik nia
Nia sublina liu tan, kona-ba jogador Aitana nian sufsente, maibé treinador rekomenda katak Klube Aitana presiza tan jogador estranjeiru na’in 4.
Maibé atu realiza jogador estranjeiru nia prezensa iha Timor, ha’u hanoin ami mós presiza rekezitu lubuk ida, maibé importante liu mak ne’e fundus ne’ebé mak FFTL promete mai ami ne’e tebes ga lae tanba estrutura husi Klube prontu lori jogador estranjeiru mai.
Entertantu, semana kotuk FFTL ho LFTL hala’o ona enkontru kona-ba FFTL sei nomea ekipa jestaun ida hanesan orgaun regulador hodi Deriji Liga Futebol Timor Leste Epoka 2022-2023 tanba liga ho kondisaun estrutura ne’ebé mak prezidente liga Nilton Gusmao rejigna’an no vise prezidenti Zermano husik hela mundu, entaun segundu Vice laiha Kompetensia atu Deriji Liga.
About Post Author
 Segundu Vice prezidenti klube Aitana Fc Joao Samantha Sousa deklara, kona-ba preparasaun klube Aitana Fc bá Epoka 2022-2023, ami hahú treinu horsehik no semana oin ami prontu bá registu ona iha Liga Futebol Timor Leste LFTL.){kind=link}