DILI – Sekretario Estadu Juventude no Desportu (SEJD) apoiu orsamentu $ 8.000 ba Federasaun Xadres Timor Leste (FXTL) hodi realiza kampionatu nasional iha loron 26 to’o 28 fulan Outubro tinan ne’e.
Sekretariu Jeral federasaun xadres Timor-Leste (FXTL) Joviano Salves hatete,objetivu husi Kampionatu Nasional ne’e atu fo espasu ba atleta senior no junior sira atu bele espresa sira nia talentu no mós halo selesaun atleta junior feto no mane hodi representa Timor-Leste iha jogu CPLP.
“Federasaun hetan apoiu orsamentu husi SEDJ hamutuk $ 8.000 hodi realiza kampionatu nasional durante loron tolu hahu husi 26 to’o remata 28 fulan Outubro 2021” afirma Joviano ba jornalista liu husi konferensia inprensa iha UNLT sesta (01/10)
Nia dehan, kampionatu Nasional ne’e atu fo espasu ba atleta senior no junior sira atu bele espresa sira nia talentu no abilidade iha xadres nian, no mós halo selesaun feto no mane hodi representa Timor-Leste iha jogu CPLP iha futuru
Ho kampionatu nasional ne’ebé mak federasaun halo hodi kria kondisaun no habelar relasaun entre estudante sira. Haburas interasaun entre atleta sira husi kultura ras religiaun ne’ebé diferente inklui hasa’e numeru atleta nivel junior no senior.
Kampionatu Nasional xadres Timor-Leste dahaat ne’e hetan apoiu orsamentu husi sekretáriu estadu Juventude no desportu (SEJD).
“Rejistrasaun ba kampionatu nasionál xadres Timor-Leste sei hahu iha loron 4 to’o 25 fulan outubru tinan 2021.”
About Post Author
