DILI – Hipolitu Soares eleitu sai nudar prezidente Asosiasaun Fútebol Dili Weste (AFDW) periodu 2021-2025, hafoin manan liu husi segundu kongresu ne’eb’e mak realiza iha Otel Luz Clarita Sabadu (02/10).
Iha segundu Kongresu Asosiasaun Fútebol Dili Weste ne’e kompete ho pakote tolu hanesan, Pakote A Domingos Mali Teti ho nia vice prezidente Marcos Araujo, Pakote B Hipolito Soares no Vice prezidente Elizio Isaac Sarmentu, Pakote C Aleixo Da C.X no vice prezidente Catarina Xemenes.
Maibé iha ronde primeiru pakote A hetan votos tolu (3) no Pakote B hetan pontos lima (5) no Pakote C hetan mos pontos lima (5) hodi desidi ba segundu ronde.
Hakat ba segundu ronde prezidenti Assalam FC Hipolitu Soares no vice prezidente Elizio Isaac konsege manan ho votos hitu (7) hodi lidera Asosiasaun Fútebol Dili Weste to’o periudu 2021 – 2025 no Aleixo Da C.X Monteiro hetan deit votos ne’en (6)
Prezidente eleitu AFDW Hipolito hatete, manan iha kongresu ne’e laos hau mak manan, maibé Dili Weste mak manan hodi atinji fali programa ne’ebé mak ita seidauk halo.
“Planu prioridade liu ne’ebé mak hau sei halo hanesan sede ba AFDW nian atu jere progarama sira ne’e, tanbá sede laiha ita labele halo buat ida.” afirma Hipolito ba jornalista iha Otel Luz clarita Sabadu (02/10).
Nia dehan, asosiasaun mos sei identifika kampu no treinador sira hodi hare ba kapasidade orsamentu asosiasaun nian ne’e atu nune’e bele forma no hari jogador Juvenil sira iha Dili Weste
Kampu ne’e mak ami identifika hetan pertense duni ba Dili Weste ka governu nian, asosiasaun sei buka meius oinsa hodi klubu primeiru divizaun, segundu divizaun no treseiru divizaun hotu iha direitu hodi uza trenu tuir oras klubu ida-idak nian, tenik Hipolito.
Nia informa, hanesan prezidente eleitu presiza duni referensia husi prezidente sesante atu nune’e bele nakloke ba klubu hotu, tanbá koalia futebol ba ema hotu nian.
“Hau senti todan oituan ba kargu refere, maibé obrigatoriu senti katak hakarak hadia duni progarama balun labele dehan difesil, tanbá ekipa servisu hamautuk halo hau la senti todan no hakarak dezenvolve futebol iha Dili Weste sai diak liu tan.
About Post Author
