Treinadór Selesaun Nasional Timor-Leste Fabio Magrão informa, jogador sira ne’ebe mak partisipa iha jogu Futsal no jogu komunitariu, sei elimina husi selesaun nasional Timor-Leste hodi troka fali jogador suplente.
Treinadór ne’e katak, hahu kedas iha tinan kotuk wainhira ita sei iha Kopa FFTL no Taca 12 Novembru ita halo selesaun ba jogador sira, hau fo hatene ona ba sira atu lable partisipa iha jogu komunitariu no jogu futsal bainhira treinamentu iha selesaun Nasional la’o hela inklui mos liga la’o.
“Jogador sira ne’ebé kontra regga no la tuir regulamentu, hau sei elimina husi selesaun nasional no ita sei bolu fali jogador suplente sira ne’ebé iha kualidade atu mai reforsa fali selesaun nacional”, haktuir Fabio ba jornalista iha Sede FFTL, Segunda (22/02).
Treinadór ne’e relata, nia parte la bandu total se kuandu selesaun la treinu no jogu liga la la’o, sira bele partisipa iha torneu futsal no jogu komunitariu hotu atu bele mantein sira nia koñesementu fiziku no mos taktiku ne’ebé sira bele aplika .
“Hau aplika regra sira ne’e ba jogador selesaun nasional atu bele tau konsentrasaun maximu ba iha selesaun nacional ”, tenik nia.
Fabio hatutan hakarak jogador sira iha kumprimisiu maximu ba iha selesaun nasional, ita labele tau regras ka regulamentu kman ba jogador sira.
Mandatu hau nian lidera selesaun nasional, aplika kriteria importante ba jogador sira mak hare liu ba koñesementu fiziku katak sira nia fiziku no taktiku mak sai faktor determinante atu tama iha selesaun nasional.
Nia mos husu jogador sira ne’ebé ita bolu mai iha selesaun nasional tenki senti orgllu hodi hatudu prestasaun bainhira partisipa iha eventu internasional sira.
Timor-Leste laiha diferensia ho selesaun nasional husi rai seluk, tamba ita hotu iha membro ba FIFA no ita selesionadu atu representa ita nia nasaun. (Eug).
About Post Author
