DILI – Billete ba oitavu finais sei nakloke ba klube Santa Cruz tanba sei iha jogu restu rua, mezmu derrota jogu rua antes.
“Ha’u promote sei hadi’a jogu Santa Cruz hodi prepara kontra ekipa Assalam no Zebbra atu hadau malu tiketi ba 8 finais,” deklara Olandino Alves ba jornalista iha estádiu munisipál Dili, kuarta (16/09).
Olandino fó parabéns ba jogadór Santa Cruz nia performe hasoru Lalenok jogu kontra ekipa ne’ebé mak forte tebes iha Liga Futeból Timor Leste, maibé jogadór sira konsege hatudu duni jogu.
Santa Cruz rekoñese duni Lalenok hanesan ekipa ida forte tebes iha jogu premiere divizaun ho jogadór estranjeiru, maibé Lalenok mós serbisu makas hodi hetan rezultadu 0-4.
“Ami tenta atu hadi’a jogu iha parte dahuluk, maibe tarde ba Santa Cruz atu hadi’a jogu iha kampu laran,” haktuir ofisial ne’e.
Iha segundu parte konsege halo mudansa total jogu hodi troka jogadór na’in 4 ikus mai hatudu duni rezultadu di’ak hodi fó presaun makas ba iha liña oin Lalenok, maibé sorte seidauk iha.
Esperiénsia Santa Cruz hasoru lalenok maka sai referénsia aplika hasoru Zebra no Assalam.(Eugenio)
About Post Author
