Dili-(Desportu XYZ) orgaun Liga Futebol Timor Leste LFTL foti sansaun bá Ad SLB hodi hatun Pontos husi 17 bá 14 no sei Multa $1000, relasiona ho Ad SLB la Marka prezensa iha jogu kontra Karketu Dili Fc iha Loron 21 fulan Abríl tinan ne’e.
Kordenador jerál LFTL Octaviano da Consencao, haktuir ita hotu asisti foin lalais iha loron 21 fulan Abríl tinan ne’e jogu entre Ad SLB kontra Karketu Dili Fc WO tanba Ad SLB la Marka prezensa iha jogu refere.
“Bazea bá regulamentu artigu 13 bá Kompitisaun sura Pontos iha alinea 4 iha regulamentu LFTL katak,Ad SLB hetan Derota 0-5 kontra Karketu Dili Fc” dehan Cordenador jerál LFTL bá jornalista sira liu husi Konferensia inprensa ne’ebé hala’o iha estadiun munisipal Dili kinta (27/04)
Octaviano afirma,sansaun ne’ebé mak LFTL foti hodi fó bá Ad SLB mak hanesan,akumula Pontos 3 iha tabele klasifikasaun no elimina validu bá Ad SLB husi Pontos 17 tun bá iha pontus 14 tabela klasifikasaun premeru liga.
Sansaun daruak maka Coima ba Ad SLB ho valor $ 1000 ( dólar rihun ida Amérikanu)
“Resultadu jogu bá Tabela klasifikasaun jogu premeru devizaun sei hatur ho justu no parsial” nia dehan
Jogu iha loron 28 fulan Abríl tinan ne’e Karketu Dili Fc kontra Portu Taibesi,sei Karketu lakon hein resultadu jogu entre Emmanuel Fc no Aitana Fc sei Emmanuel Fc menan dezisaun kampionatu bá resultadu jogu iha tabela klasifikasaun.
Sei karik Karketu halakon Portu Taibesi, Karketu mak sei sai Kampiaun.
About Post Author
 orgaun Liga Futebol Timor Leste LFTL foti sansaun bá Ad SLB hodi hatun Pontos husi 17 bá 14 no sei Multa $1000, relasiona ho Ad SLB la Marka prezensa iha jogu kontra Karketu Dili Fc iha Loron 21 fulan Abríl tinan ne'e.){kind=link}