Díli-Vise Presidente Aitana FC, João Samanta relata, klube balun hahú tenta halo guerrilla atu dada jogadór Edit Xavio no Francyamat Kevy hodi haforsa sira nia ekipa ba époka tinan ne’e.
Maibé Samantha hateten, la iha dalan ba ekipa ne’ebé de’it atu foti jogadór rua refere, tanba Aitana nia kontratu kesi hela ho eis jagadór klube Boavista ne’e to’o ohin loron.
“Jogadór na’in rua ne’e ami seidauk husik, tanba sira nia kontratu sei válidu ho Aitana FC, maibé ami rona klube balun komesa halo guerrilla ba jogadór rua ne’e fora husi regras órgaun Liga Futebol Timor Leste (LFTL) nian”. Hateten Samantha, liu husi mensajen via Wathsapp, Tersa ne’e, (08/03).
Tamba ne’e nia dehan, bainhira iha janela tranferénsia ruma, husu klube ne’ebé de’it atu foti jogadór sira tenki kumpre regras LFTL nian.
Nia reforsa, jogadór Edit Xavio ho Francyamat Kevy kesi kontratu ekstra ordináiu iha momento liu ba, bainhira eis klube Boavista FC de Timor lakoi partisipa iha jogu époka 2021.
Iha tinan kotuk liu ba ami ba foti jogadór rua ne’e husi Boavista, ami foti husi odomatan boot, signifika ho legalidade. Dehan Nia.
Nia mós relata, bazeia ba kalendáriu tranferénsia jogadór, ne’ebé LFTL anúnsia sai ona sira seidauk iha planu ruma atu foti jogadór foun ruma tantu estranjeiru ka lokál ruma. Maibé daudaun ne’e ekipa Aitana FC akompaña hela kalendáriu FFTL nian atu halo preparasaun.
About Post Author
