DILI-(Desportu XYZ Relasiona ho Graduasaun ba membru husi organizasaun Arte Marsiais,Persaudaraan Setia Hati Terate (PSHT), Komisaun Reguladora Arte Marsiais (KRAM) sei halo Kordenasaun ho Arte Marsiais sira seluk no mós Arte Rituais hodi kontribui to’o prosesu graduasaun ne’e remata.
Prezidenti KRAM Octavio da Concesao informa katak, serimonia graduasaun PSHT nian ne’e nKRAM mos sei kordena ho organizasan Arte Marsiais sira seluk no Arte rituais sira, ne’e servisu propria KRAM nian no governu nian.
“ba oin KRAM nia servisu mak halo aprosimasaun no kordenasaun ho entidade estadu,sidadaun Timor oan hotu inklui autoruidade munisipal sira, komando PNTL munisipal no nasional hodi asegura prosesu ne’e too nia rohan”dehan prezidenti KRAM bá jornalista sira iha konferensia inprensa ne’ebé mak hala’o sede KRAM kuarta (02/08)
Tuir Octavio,komunikasaun lao diak estrutura sub KRAM sira servisu di’ak kontinua halo kordenasaun ho nivel munisipiu iha nasionál sei kordena hotu atu nunee bele foo apoiu.
“ita hotu tenke hanoin katak graduasaun PSHT ne’e nudar modalidade desportu ida,labele iha ema ida sente katak graduasaun ne’e hanesan atu fó fali ameasa,”tenik nia.
Nia akresenta, tuir lei numeiru 5 KRAM depois simu tiha sira nia informasaun konaba preparasaun sira, mak KRAM hahu prosesu beverifikasaun ba lista graduadu sira lista dewan pengasahan sira fatin ba graduasaun no orariu hotu mak KRAM hasai paresere favoravel bá Ministru Juventude Desportu Arte no Kultura hodi informa kona-ba prosedementu sira relasiona ho graduasaun PSHT nian.
” agora dadaun KRAM desde horiseik simu lista husi organizasaun PSHT ne’ebé mak lideradu husi Prezidente PSHT,Baltazar Lemos Seixas ho nia Sekretariu Jeral Pedro Aparico kona-ba kalenderizasaun serimonia graduasaun no orariu teste jago.
Nia hatete mos katak,governu hatene de’it mak organizasaun PSHT ne’ebé mak rejistu iha Ministeriu Justisa liu husi diresaun notariadu, ne’e mak PSHT ne’ebé mak lidera husi nia Prezidente Baltazae Lemos Seixas.
About Post Author
