Dìli-(Desportu XYZ) organizasaun Arte Marsiais 6 sai Mahon bá Federaasaun Silat Timor Leste FESTIL mak hanesan Persaudaran Sitia Hati Terate (PSHT) Kmanek Oan Rai Klaran (KORK),Pejajaran,Persaediri,Serinliu Dewata no Ikatan Kera Sakti (IKS)
Tuir Presidenti FESTIL Custodio da Silva hateten, objetivu prinsipal ba loron ohin mak funsionamentu FESTIL nian, programa kontinuasaun atu hari FESTIL iha munisipal tanba dadus kompletu husi organizasaun 6 ne’ebè mak FESTIL totela bá
“durante semana rua nia laran vizita ona organizasaun 6 ne’ebè mak mensiona ona iha leten,Maibè sede rua mak seidauk bá vizita mak hanesan IKS ho Seriliun -Dewata ,maibé espera katak iha semana ne’e nia laran ami sei vizita hotu”tenik prezidenti FESTIL bá jornalista sira,hafoin remata inkontru ho prezidenti CDTL iha salaun CDTL kuarta (02/08)
Nia dehan, semana tuir mai ekipa FESTIL no organizasaun 6 ne’e hamutuk, no konvida mòs CDTL atu hare programa FESTIL nian tanba tinan ida ne’e hahu husi munisipiu 7 mak hanesan : Oe-Cusse, Lospalos, Baucau, Covalima, Ainaro, Manu Fahi no ikus liu Dìli sei halo FESTIL munisipal iha fulan Novembro tuir akordu ne’ebè mak deside hamutuk ona tanba Sei halo Kampioñatu Nasional iha Timor-Leste FESTIL mak halo.
“Ami mós sei konvida treinador internasional Presilab ninian mai partisipa iha kampioñatu nasionál no konvida mòs Arbitrazen,Juri nian 1 no treinador 1 no sira sei akompaña treinador Timor-Leste nian. FESTIL iha ona treinador internacional nain 4 fulan rua liu ba sira ba tuir treinamentu iha Jakarta,”afirma Costodio
Nia sublina liu tan, iha mòs treinador, Arbitrazen Nacional ho Classe 3, a, b, c. No tinan ida ne’e sei haruka tan Arbitrazen,Juri Internacional nain 4 husi Classe 3 sei ba tuir atividade iha Jakarta. Antes Kampiñato hala’o iha fulan Novembro.
Sikun seluk, Presidenti CDTL Macàrio Floriano Canches haktuir, ohin bolu Federasaun FESTIL mai iha CDTL ho objetivu atu fahe informasaun kona-ba konfederasaun Desportu Timor-Leste no desenvolvimentu FESTIL nian no Ohin mós diskuti ho konfederasaun hakarak hatene avaliasaun iha tinan kotuk, maibé FESTIL deteta katak presiza reorganiza fila fali ninia estrutura husi dokumentus hirak ne’ebe Assembleia hala’o iha fulan hirak liu bya tenki apresenta ho ninia esturtura foun.
“Ha’u husu FESTIL reorganiza fila fali halo jestaun ne’e forte liu hodi husu sira nia programa sira durante mandatu no planu anual sira oinsa atu organiza kampioñatu nasionál sira iha rai laran. Presidenti FESTIL konfirma katak sira nia programa fiksu hotu ona ida ne’e mak dehan reorganiza fila fali”
Presidenti CDTL informa , FESTIL foti federasaun nu’udar papèl ida atu jere organizasaun sira ne’ebe iha FESTIL nia okos, tanba organizasaun sira atu sai tenki liu husi FESTIL atu nune’e bele iha prevensaun.
FESTIL afiliadu mai iha Konfederasaun ambitu Desportivu no movimentu Desportivu tenki kontrola A’an tanba ne’e ha’u sente kontenti tebes tanba bele dada lia ho Presidenti FESTIL espera katak iha futuru intensiva nafatin labele halo barailla informasaun iha pùbliku laiha organizasaun ida ke reorganiza sira ho di’ak.
About Post Author
