Dili – Tuir loloos orariu jogu PraLiga futsal Timor Leste nian, ba jornada dahituk sei kontinua fila fali iha loron 7 fulan Janeiru tinan 2021 ne’e, maibé la akontese tanba situasaun covid-19.
Ho situasaun covid-19 ne’e, obriga estadu tenki dekreta tan Estadu Emerzenjia ba dasiak nian hodi bandu ema atu halibur malu liu na’in 10.
Tanba ne’e, Orgaun Asosiasaun Futsal de Timor-Leste (AFTL), mós hodi kumpre regras EE ne’e, hodi suspende atividade jogu PraLiga iha jornada dahituk.
Tan ne’e, tui sekretáriu jerál AFTL, Fernando Baptista Xavier informa, sira suspende jogu PraLiga ne’e tanba kumpri hela sirkular ne’ebé Federasaun Futeból Timor Leste (FFTL) hatun ba sira.
“Ami kumpre sirkular ne’ebé FFTL hatun ba ami atu suspende, maibé situasaun la’o normal sei kontinua”. Hateten nia iha Xanana Sport Centre, Kuarta (13/01/2021).
Jogu PraLiga sei la’o to’o iha jornada rua nulu resin tolu, ne’ebé joga kuaze fulan neen nia laran.
Alem ne’e mós, AFTL daudaun ne’e prepara hela proposta ba tinan 2021, kona-ba prémiu Liga ba nian, ne’ebé sei akumula klubu primeira divizaun no segundu divizaun.
“Proposta sira ne’e sei submete ba FFTL no Sekretariu Estadu Juventude no Desportu atu haree, tanba ami iha planu atu hadi’a kampu suftsal seluk”.
Daudaun ne’e jogu PraLiga sei útiliza hela kampu futsal ida iha kuartel FFDL nian kotuk hodi hala’o jogu refere. (Vidal).
About Post Author
