Dili-ohin dia 25 Fulan Marsu 2022 Jogador ekipa selesaun nasional Futsal hamutuk 16 Aranka Ba Thailand hodi partisipa jogu AFF Chempion Chip 2022.
Antes atu Aranka Ba Thailand Jogador no treinador Sira sei rona mensajen husi Sekretariu Estadu Juventude no Desportu (SEJD) Abrao Saldanha no Sekretariu Jeral Federasaun Futebol Timor Leste (FFTL) Gregorio Correa iha salaun Xanana Sport Senter Bairu Grilos sesta (25/03)
Tuir Abrao katak, lori governu Nia naran hakarak felicita FFTL no Asosiasaun Futsal Timor Leste AFTL tanba mesmu Ita foin hahu jogu para Liga Futsal ita bele reprezenta ona Ita nia nasaun Timor Leste ba joga iha eventu internasional.
“Governu nia lia menon ba Jogador no treinador sira Mak ne’e, Agora tempu to ona atu ba kompete no hatudu kapasidade hodi hetan resultsdu diak Mai ita nia rai, laos tempu atu ba partisipa tanba ita iha ispirasaun ona husi Jogador selesaun nasiona sub 23 ne’ebe hatudu prestasaun Diak iha jogu AFF U-23 iha Canbodia”
Husi resultsdu Sub 23 ne’e bele motiva imi atu hatudu imi nia hanoin hakas hodi atu kompete ho Diak iha jogu AFF Chempion Chip tinan ne’e.
Nia haktuir, hau hatene hela difikuldade saida Mak governu ho federasaun hasoru, maibe ami sei buka hela difikuldade Sira ne’e.
Jogador sira imi ba ne’e laos defende deit Ita nia rai, maibe imi ba hanesan Embaixador ba Ita nia rai tanba Embaixador sira nia serbisu atu promove rai, entaun liu husi futsal bele promove mos Ita nia nasaun liu husi jogu sira hanesan ne’e, maibe ema atu hatene Ita nia rai Liu husi imi nia atitudi ne’ebe loloron imi halo iha ema nia rai.
“Hau fiar esperitu treinador sira nian bele lori resultsdu diak mai Ita nia nasaun no mos ba povo tomak ne’ebe hadomi Futebol”
Sorin seluk Sekretariu Jeral FFTL Gregorio Correa hatete, alin Jogador sira imi ohin aranka ba ne’e laos ona reprezenta imi nia Klube maibe imi reprezenta nasaun Timor Leste tanba ne’e hatudu nafatin imi nia disiplina iha ema nia rai.
Iha Fatin hanesn Sekretariu Jeral AFTL Fernando Batista informa, Asosiasaun Futsal hamrik hanesan Pelu primeira ves torneu oficial futsal partisipa husi AFTL.
Konaba tarzetu iha jogu AFF Chempion Chip Agora ne’e, Ami seidauk fo tarzetu ba Jogador no treinador sira tanba sei lae Ita fo fali beban ba sira, maibe Ita tenki fo sira hodi esforsu maximu atu hatudu kualidade jogu.
Nia haktuir, kona-ba apoiu governu husi SEJD mak apoiu moral, maibe apoiu tomak ba Jogador sira partesipa iha jogu refere mai husi FFTL.
Entertantu Timor Leste monu iha Grupu B,hamutuk ho Vietnam, Meanmar no Australia, no TL sei kontra Vietnam iha loron 2 Fulan April.
About Post Author
