DILI-(Desportu XYZ) prezidenti klube Idyona husi sidade Sao Paulo iha Brazil Prontu simu Jogador Ario Melio Ximenes ho Norbertu Olivio da Costa ne’ebé mak sei Aranka bá Brazil iha loron 29 fulan Janeiru tinan ne’e.
“Data tentativa ne’ebé mak tuir lolos jogador nain rua ne’e Aranka iha loron 20 fulan Janeiru,maibé ita hare bá prosesu dokomentus sira seidauk los,entaun sira nain rua nia data fixu atu Aranka ne’e mak iha loron 29 fulan Janeiru tinan ne’e”afirma Deritora Alta kompetisaun SEJD Maria Luzia Monteiro bá Desportu XYZ iha SEJD sesta (20/01)
Nia haktuir,jogador nain rua ne’e sei hala’o sira nia Trenamentu iha klube Idyona Brazil durante tinan ida no prezidenti klube refere mos prontu ona hodi halo krospondenti ho trenador ne’ebé mak atu simu sira nain rua.
“Kona-ba sira nain rua Trenamentu hotu, ne’e depende orsida ita hare bá Trenamentu hotu mak sei karik sira aumenta bá sira nia formasaun entaun klube sira sei halo,maibé ita hein katak ida agora sira bá ne’e hatudu resultadu di’ak bele iha kontinuasaun”
Deritora Alta kompetisaun ne’e esplika, Sekretáriu Estadu Juventude no Desportu SEJD, Sentru Trenamentu Futebol Juvenil no Federasaun Futebol Timor Leste FFTL oras ne’e halo hela perparasaun bá iha loron 27 fulan Janeiru sei halo despedida ida ho jogador nain rua molok Aranka bá Brazil.
Entertantu,jogador Ario Melio Ximenes oras ne’e ativu hela selesaun nasionál Sub 16 no Norbertu Olivio da Costa iha selesaun nasionál Sub 19,enkuantu sira nain rua mai husi sentru Trenamentu Juvenil Munisípiu Baucau.
About Post Author
