DILI-Prezidente Federasaun Futeból Timor Leste Francisco Jeronimu hatete iha ona planu atu transfere kopa FFTL sai professional iha Timor Leste.
Hafoin remata dada rifa hosi ekipa 20 ba kopa FFTL tinan ne’e prezidente FFTL ba jornalista desportu katak Federasaun tau matan ona ba klubu 20 ne’ebè mak dada ona rifa atu ba kompete kopa FFTL tinan ida ne’e, tanbà federasaun la kohi halo klubu sira terus.
Nia dehan FFTL sei foti klubu ne’ebè mak sei sai kampiaun iha copa FFTL tinan ida ne’e klubu ne’e mak sei ba partesipa iha jogu AFC no AFF 2021 iha nivel Asian.
“Ha’u promote ona katak sei copa FFTL ne’e mak sei sai sosesu,tinan oin mai muda ona copa FFTL sei sai professional iha Timor” promete Francisco Jeronimo ba jornalista iha salaun Xanana Sport Center Sesta (14/8/2020).
Prezidenti FFTL haktuir hau espera katak klubu 20 ne’e sei partesipa iha jogu copa FFTL ho diak hodi hatudu ba adeptos sira ne’ebè mak mai asiste jogu ne’e no mos atu halakon joven sira nia estres.
FFTL kuandu hamrik metin tinan tinan kria jogu juvinil no jogu liga feto Timor sei kontinua to nia rohan.afirma Francisco
Nia haktuir tuir menzajen ne’ebè mak FFTL simu hosi FIFA katak Timor Leste iha ona mudansa futebol,tanbà Timor iha ona jogador ne’eb`e mak diak bele reprezenta nasaun ida ne’e ba joga iha nasaun Asia.
Sorin seluk Sekretario Estadu Juventude Desportu SEJD Abrão Saldanha hatete SEJD orgullu ba federasaun Futebol Timor Leste bele lori ekipa 20 mai partesipa iha copa FFTL tinan ne’e.
Ho inisiativa ne’ebè mak federasaun halo atu ajuda dezenvolvimentu desportu iha Timor atu jogador sira labele haluha sira nia telentu hanesan futebol.
Reprezentante Governante ne’e sublina SEJD kontinua apoiu fasilidade no infrasturtura tuir kbit ne’ebè mak governu iha. (Eugenio)
About Post Author
