DILI – Reprezentante Klubu Zebra Fc Riky Ricardo hatete, Zebra fc sei difisil jogu kontra Fc Portu Taibesi iha jogu abertura segundu devizaun Liga Fútebol Timor Leste (LFTL) epoka 2021, tanbá ami ladun iha preparasaun masimu relasiona ho pandemia covid 19.
“Pandemia covid 19 halo ami nia preparasaun fulan ida deit, maibé Zebra FC sei hatudu jogu kontra Porto Taibesi hodi hetan rezultadu diak ba klubu, maske ami nia preparasaun ladun masimu” relata Riky ba jornalista sira hafoin remata dada sorteu iha salaun Xanana Sport Center Sabadu (09/10).
Nia dehan, iha jogu abertura ne’e ami tenki hatudu duni jogu diak hodi bele hetan pontos balun atu asegura Zebra fc.
Sorin seluk Sekretario Jeral Fc Porto Taibesi Francisco Amaral informa katak, Zebra fc klubu ida anitgu molok LFTL hahu Zebra fc no Porto Taibesi existe tiha ona.
“Ami respeitu tebes Zebra FC, maibé ba ami hakarak hatudu ami nia jogu ne’ebé diak iha jogu abertura.”
Tinan ida ne’e klubu hotu sempre hasoru difikuldade laos Porto Taibesi deit mak hasoru finanseiru, tanbá situasaun pandemia covid 19 ne’e difisil ba kompania sira atu hetan hodi sponsor klubu sira.
Entretantu jogu abertura segundu divizaun entre Zebra fc konta Fc Porto Taibesi sei halo iha estadiun munisipal Dili iha loron 12 fulan Outubro 2021, Oras 16:00.
About Post Author
