DILI – Ekipa AS Ponta Leste konsege muda istória Aitana iha Tasa 12 Novembro liu husi penalidade, hafoin ekipa rua fahe impata 3-3 iha periodu normal iha estadiun munisipal Dili Sabadu (21/11).
Iha jogu ekipa rua fahe pontu 3-3 hodi árbitru deside hakat ba tebe penalidade maibé iha tebe penalidade jogador Aitana nain 3 hanesan Miguel Arauju, Rigelbertu Lai, Gilson dos Reis falla marka golu no Ponta Leste nain tolu susesu marka golu hanesan, Expedito da Conceicão, Silvero Garcia no Jacinto Soares.
Tuir observasaun Desportu.XYZ, ekipa AS Ponta Leste tun ho uniforme metan riska mean enkuantu Aitana FC uniforme metan kahur kinur.
Jogu hahu ekipa Ponta Leste mai ho ambisaun hakarak halakon istória moruk ne’ebé AS Ponta Leste nunka manan ekipa Aitana.
Iha tasa 12 Novembro, Aitana mos hakarak hatutan istória ne’ebé mak durante ne’e halakon Ponta Leste.
Jogu la dura kleur iha menutu 20 jogador Aitana Miguel Arauju lees guarda rede Ponta Leste Albino Xemenis, hafoin hetan bola kruza husi Supryantu Pereira iha lina mutin penalidade kotuk, hodi hatur skor ba 1-0 ba Aitana.
Golu refere halo treinador Ponta Leste tenki halo mundansa jogu hodi troka jogador lina klaran Oscar dos Santos hodi hatama fali avansadu Anizio Correia iha menutu 25.
Ho mundasa ne’ebé mak treinadór Eduardo Pereira halo, ikus mai jogador Anizio Correia ho nia hatama bola ho-ulun hodi doko rede Aitana iha menutu 41, wainhira simu bola kruza liu husi Celvero Garcia, skor 1-1.
Skor 1-1 halo Aitana nia defeza tenki ulun moras hodi salva lina kotuk, kotuk to jogu primeira parte termina.
Segunda parte guarda rede Ponta Leste Albino Ximenis komete erru iha lina klaran hodi kaer avansadu Aitana Miguel Xemenis nia ain, arbitu deside hodi fó jogador Gelson dos Reis tebe penalidade ho susesu skor ba 2-1 iha menutu 59.
Golu la dura kleur iha minutu 82 avanda Silverio Garcia lori Ponta Leste halo eskor 2-2 waihira simu bola husi Candido Oliveira hodi les rede Aitana ho ain los.
Atu termina jogu Ponta Leste hetan vitoria 3-2 hafoin Anizio correia forda rede Aitana menutu 90, maibé jogador Aitana Gilson Oliveira responde iha menutu 93 halo skor ba 3-3, hodi hakat ba tebe penalidade. (Eug)
About Post Author
