DILI–Ekipa Ponta Leste susesu manan adversáriu Karketu FC de Timor 4-2 iha jogu amizade ne’ebé mak hala’o iha kampu demokrasia sesta (7/08).
Observasaun jornalista desportu iha kampu demokrasia, iha primeira parte, ekipa Karketu-FC ho naran istimadu matak malirin fó kedas presaun liu hosi ataka halo Ponta Leste menus atu hetan bola.
Hafoin jogu la’o minutu 4, ekipa matak malirin doko ona rede Ponta Leste liu hosi jogadór Agostu da Silva hodi hatuur skor sai 1-0.
Ho skor refere halo ekipa Ponta Leste hasai sira nia ritmu jogu hodi hamate jogu Karketu FC iha liña oin hodi salva rede to primera parte remata skor matein 1-0 ba matak malirin.
Hakat ba jogu segunda parte ekipa Karketu FC ne’ebé mak lidera hosi trenador Timor oan Antonio Timoteo tenta halo mudansa jogu atu aumenta tan golu maibé defísil atu sobu liña kotuk hosi adversáriu Ponta Leste.
Matak malirin nia jogu komesa monu iha segunda parte, Ponta Leste foti oportunidade hodi fera rede Karketu ho golu tuir-tuir malu, to jogu segunda parte termina, vitória ba Ponta Leste afilia ba Ponta-Leste.
Fó hanoin katak jogu amizade entre ekipa rua ne’e hodi koko forsa ba jogu kopa Federasaun Futeból Timor Leste (FFTL) tinan ne’e. ne’ebé hala’o iha loron 20 fulan Agostu tinan ne’e. (eugenio)
About Post Author
