DILI-Prezidente klube futeból Lalenok United, Pedro Belo hatete nia optimista sei halakon ekipa Assalam iha jogu abertura kopa Federasaun Futebol Timor Leste FFTL hodi hetan pontu tolu iha jogu preliminár iha grupu A.
Ekipa Lalenok no ekipa Assalam hanesan ekipa ida ne’ebé mak foin mak promovidu hosi segundu divizaun ba iha premeira divizaun époka da tolu iha Liga Futeból Amadadora tinan kotuk liu ba.
No iha époka da hat tinan kotuk ekipa Lalenok halo istória iha Liga Futeból Amadora tanba konsege rekolla ona títlu dala tolu hanesan kampiaun liga Amadora,Taxa 12 Novembru no super taxa hodi lori Timor Leste ba joga iha AFC cup tinan ne’e iha Indónezia.
Hafoin remata dada sorteiu ba kopa FFTL, prezidente Lalenok katak nia orgullu iha oportunidade ne’ebé ninia klube hetan. .
“Ha’u nia esperansa no fiar an katak ekipa Lalenok sei halakon Assalam iha faze grupu A.” deklara prezidente Lalenok Pedro Belo ba jornalista desportu foin lalais ne’e salaun Xanana Sport Center.
Nia dehan ekipa Assalam hanesan kolega diak ne’ebè mak hahu hosi segunudu devizaun mai iha premeru devizaun.
Mehi Lalenok mak sempre manan hela de’it la kohi atu lakon iha jogu tanba Lalenok preparadu ona.
Ekipa Lalenok United halakon ona Assalam dala rua iha jogu Liga Futeból Amadora iha époka da tolu liu ba no ikus liu mak Assalam derota 2-5 iha jogu Amizade hakat mai kopa FFTL ne’ebé mak hala’o iha kampu Lalenok united Fatuhada Dili. (Eugenio)
About Post Author
