Dili-(Desportu XYZ) Boxista Legendariu Manny Pacquiao Promete sei dezenvolve Modalidade Desportu iha Timor Leste mak hanesan,Bazket Bol,Futebol, no espesial liu mak modalidade Boxing.
“Hau fo obrigadu ho apresia ba prezidente republika no governu liu husi primeiru ministru ho ministru juventude desportu arte kultura ho Timoroan hotu bele akomoda ami mai Timor-Leste hau iha esperansa katak ida ne’e laos ba ikus hau mai Timor-Leste maibe ida ne’e ba vizita dahuluk mai hau, hau koko atu mai fila fali tanba hau hare’e Timor-Leste potensial tebes atu nune’e hau bele loke negosiu ho akademia boxing iha Timor-Leste no suporta federasaun desportiva liuliu boxing”, dehan boxista lejendariu Manny Pacquião ba jornalista sira,hafoin hala’o nia vizita ikus iha MJDAC Lecidere, Dili Sabadu semana ne’e.
Pacquião haktuir, ha’u sujere ba governu kria (show boxing Fighting) atividade boxing barak tanba iha Filipina sira mos kria atividade boxing, sira bolu “Sunday boxing” atu nune’e ema bele partisipa hotu inklui boxista joven potensial sira, nia mos hakarak los suporta desportu iha Timor-Leste hanesan futebol, basketebol espesial boxing atu nune’e nia mos bele fahe nia talentu espesial iha boxing no desportu sira seluk.
Sorin seluk Menistru Juventude Desportu Arte e Cultura Nélyo Isaac hateten,ha’u hakarak lori estadu tomak nia naran agradese bá ita boot nia prezensa iha Timor Leste.
“Ita boot nia vizita ida ne’e importante bá ami tanba vizita ida ne’e la’ós atu hare de’it Timor,maibé atu fortefika ita nia relasaun hodi Motiva ami nia Boxista Timor Oan sira”
Governante ne’e haktuir, wainhira ita boot fila karik keta haluha Timor nia naran tanba iha ne’e Partesipa husi Federaasaun Desportiva lubuk ida ho ita nia prezensa bele loke tan relasaun oinsá maka ami bele hetan koperasaun ho Boxista sira seluk.
Tanba ne’e ha’u agradese bá ita boot nia prezensa iha ne’e.
About Post Author
 atividade boxing barak tanba iha Filipina sira mos kria atividade boxing, sira bolu "Sunday boxing" atu nune'e ema bele partisipa hotu inklui boxista joven potensial sira, nia mos hakarak los suporta desportu iha Timor-Leste hanesan futebol, basketebol espesial boxing atu nune'e nia mos bele fahe nia talentu espesial iha boxing no desportu sira seluk.){kind=link}