Dili-(Desportu XYZ) Boxista Legendario Manny Pacquiao sei halao nia vizita husi Felipina mai Timor Leste iha loron 28 fulan Setembru tinan ne’e hodi motiva Boxista Timor Oan sira.
Prezidenti Comisaun Organizadora Joao Rodrigues,informa ita hotu hatene katak tempu besik sei iha vizita bainaka espesial ida husi Felipina ho naran konesesidu Manny Pacquiao.
“Vizita espesial husi Boxista Manny Pacquiao nian ne’e ho intensaun atu motiva ita nia atleta Boxista Timor Oan sira no atu fó buat balun bá ita nia atleta sira hodi hetan mós rezultadu hanesan Manny Pacquiao”dehan prezidenti Komisaun Organizadora bá jornalista sira iha konferensia inprensa ne’ebé mak halao iha salaun Magna MJDAC segunda (25/09)
Joao haktuir,iha vizita ne’e ita mós iha orario husi loron 28 to’o loron 30 fulan Setembru,maibé serbisu ida ne’e la’ós ita serbisu mesak maibé sei serbisu hamutuk ho Menisteriu Negósiu estranjeiru,Polísia Nasionál Timor-Leste PNTL no Menisteriu Saúde hodi Manny Pacquiao nia vizita.
“Iha vizita ida ne’e tuir nia mai ho aviao privadu, maibé lakonsege tanba nia mai ho aviao Cetilin iha loron 28 fulan Setembru no to’o Airoportu Internasionál Nikolau Lobato iha Oras 12:00” nia esplika
Loraik nia sei hamutuk ho nia komunidade sira iha Embaixada Felipina no iha loron 29 nia foin mak vizita bá prezidenti Repúblika José Ramos Horta no kontinua kedas bá vizita Premeru Menistru Kay Rala Xanana Gusmao.
Vizita segundu Boxista Manny Pacquiao nian mak sei bá klube 4 mak hanesan,Benfica,El Matador,Orientál Boxing no ikus mak Dili Boxing tanba sei iha aprezentasaun.
“Kona-ba Orsamentu perparasaun MJDAC perpara hamutuk 26 mil durante Manny Pacquiao nia vizita iha Timor Leste”
Entertantu,Timor Leste hetan ona vizita husi Ema ho naran koñesidu iha mundu mak hanesan,Cristian Ronalfo vizita Timor-Leste iha 2005,Jecky Chen 2010,Trifeu kopa Mundiál no 2023 ita sei simu tan Boxista Legendario Manny Pacquiao.
Enkuantu,Boxista Manny Pacquiao vizita Timor-Leste durante loron,hahu husi loron 28 to’o loron 30 fulan Setembro.
About Post Author
