Dili-(Desportu XYZ) iha loron kinta (05/10) Kontenjenti husi Atleta Paralimpico Timor Leste hasoru Primeiru Ministru Kay Rala Xanana Gusmao hodi hato’o hela sira nia Komprementa molok sira deskloka bá eventu Asean Para Games ne’ebé mak sei hala’o iha sidade Hangzhou China iha fulan Outubro tinan ne’e.
“Ha’u labele ko’alia barak,maibé ha’u dejezo de’it bá imi la’o ho di’ak no halo saida mak ita bele hodi fila fali mai ita dezenvolve nafatin,maibé la’ós bá de’it Paralimpico maibé iha atividade Desportu sira seluk”dehan Primeiru Menistru Kay Rala Xanana Gusmao iha Palacio Governu kinta (05/10)
Xefe Governu ne’e haktuir, iha Desportu ita labele husu saida de’it,to’o iha ne’ebá lakon i dala ruma ita bele dehan katak to’o iha ne’ebá manan.
“maibé liuliu mak tenki halo relasaun ho maluk sira iha modalidade seluk para sira mai hodi bele dezenvolve nafatin Desportu”Xanana afirma
Imi nia prezidenti no ofisiais sira bá mak halo problema barak,imi mai simu responsabilidade.
Sorin seluk Menistru Juventude Desportu Arte e Cultura MJDAC Nélyo Isaac hateten, ohin govenru simu Atleta Paralimpico hanesan seremonia Despedida tanba sira prontu ona atu Partesipa iha Asian Para Games iha Hangzhou China.
“Ita boot sira hatene katak, semana rua tan jogu Asian Games iha Hangzhou China sei termina i kontinua kedas ho jogu Paralimpico tanba ne’e mak ita nia atleta Paralimpico Timor Leste sei bá Partesipa “
Governante ne’e esplika, tuir orario ita nia delegasaun atleta Paralimpico sei aranka iha loron 15 fulan Outubro Tinan ne’e tanba sira sei hela iha Hangzhou China semana rua.
Menistru Juventude Desportu Arte e Cultura Nélyo Isaac garante bá Atleta Paralimpico katak, tinan ida ne’e ita espera sira fila mai ho Prestaun ne’ebé mak ita hotu espera tanba Atleta Paralimpico sempre hamorin Timor nia naran iha jogu internasionál ho medalia osan mean no mutin.
Atleta Para table Tenis Pascoela dos Santos Pereira hateten, prontu ona atu Partesipa iha eventu Asian Para Games Hangzhou China no promete sei hamorin ita nia rai doben Timor Leste.
“Ha’u prontu ona kompete, maibé buat hotu entrega bá Maromak no ha’u iha forsa nafatin atu kompete hodi lori nasaun Timor-Leste nia naran”
Iha fatin hanesan, prezidenti interinu CPNTL Mateus Lucas afirma,durante perparasaun sira CPNTL hetan apoiu finanseru husi governu liu husi MJDAC.
“Durante perparasaun ne’e CPNTL halo de’it iha rai laran tanba hetan apoiu orsamentu husi governu hamutuk $ 50.000 no deslokasaun govenru apoiu $100.000”
Entertantu,eventu Asian Para Games tinan ne’e iha Hangzhou China sei Partesipa husi Modalidade Tolu mak hanesan, Paratletismu mane 3 feto 1,para table Tenis mane 3 feto 2 no para Powerlifting mane 2,enkuantu totál hamutuk atleta 11.
About Post Author
