DILI-(Desportu XYZ) Ohin Atleta husi modalidade Desportivas 6 sei desloka ba Japaun hodi partisipa programa Interkambiu ne’ebé mak organiza husi Sidade Ina Japaun.
“Hau kontenti tebes bele hasoru malu ho imi, antes imi aranka ba Japaun hodi partisipa iha programa interkanbiu ne’ebé organiza husi Sidade Ina, Perfeitura Nagano, Japaun, “afirma Embaixador Japaun ba Timor Leste, Kymura Tetsuya liu husi nia diskursu hafoin despede atleta iha Rezidensia, Aitarak Laran, Dili, segunda (16/10)
Kymura hateten, hanesan imi hatene ona katak Sidade Ina mak uma nain ba Timor-Leste no atleta Timor Oan sira durante eventu bo’ot Olinpiku Toquiu iha tinan 2020, Infelizmente, iha tempu ne’ebá atleta Timor Oan sira labele hetan oportunidade natoon hodi halo interaksaun no interkambiu ho komunidade sira iha Sidade Ina tanba pandemia COVID-19.
“tinan ida ne’e Sidade Ina organiza hikas programa interkambiu ida ne’e hodi konvida atleta Timor Oan sira husi federasaun Karate, Taelkwondo, Boxe, Halterofilizmu, Natasaun no Atletismu hodi bá vizita iha Japaun”nia seplika
Programa ida ne’e hala’o ho objetivu hametin relasaun amizade entre povu Japaun no Timor Leste liu husi interkambiu kultura, teknolojia, estilu moris, no seluk tan.
Aleinde ne’e, sei hariku mos kapasidade atleta sira nian la’ós deit nudar atleta, maibé liu husi ida nee.
“Ikus liu, hau deseja boa viagem ba imi hotu no aproveita didiak ba oportunidade ida ne’e hodi explora kona-ba Japaun no halo belun barak iha Japaun.
fatin hanesan Sekretariu Jeral Comite Olímpico Nasional Timor Leste, Laurentino Guterres agradese ba embaixador Japaun.
Hasoru senior embaixador tanba iha 2020 Japaun nudar uma nain ba Olimpiku maibe tanba COVID 19, jogus Olimpiku muda fali ba 2021.
“Entaun ita Timor Leste iha momentu ne’ebá Sidade Ina mak sai uma nain hodi prepara atleta sira ba jogus Olimpiku, no iha momentu ne’ebá atleta sira laiha oportunidade, tanba COVID 19 sira labele sai ba liur Hare Sidade Ina”
Laurentinu sublina,sira ne’e hakarak ba fali para hare sidade Ina, oinsa mak bele hare fasilidade Desportu,”dehan nia.
Enkuantu, Atleta Modalidade Halterofelismu,Maria Imaculada agradese ba Embaixador Japaun.
About Post Author
