DILI-jogador husi ekipa Buibere fc Nilda Reinaldo sai hanesan melhor markador iha jogu primeiru divizaun Liga Timorense Fútebol Femenino (LTFF) epoka 2021 ho total golu 16.
Iha epoka 2020 jogador husi Maranatha Fc Deonisia sai hanesan melhor markador, maibé tinan 2021 Nilda Reinaldo mak sai hanesan makina golu barak liu.
“hau orguilo tebes bele sai melhor makador iha tinan ida ne’e, hanesan mehi ne’ebé antes ne’e hau duni tuir, maibé laos para iha epoka 2021 no hakarak mantein pozisaun agora hodi perfeitu liu tan” relata Nilda ba jornalista iha estadiun munisipal Dili sabadu foin lalais ne’e.
Nia relata, konaba atu muda ba klubu seluk, hau sei hare lai ba situasaun iha klubu Buibere fc mak diak ,entaun hau mantein nafatin. karik mak ladun diak posiblidade bele husik Buibere Fc.
Durante ne’e hau hahu kareira hanesan jogador husi klubu Buibere fc iha 2019 to’o mai agora hamutuk tinan 4.
Entertantu jogador Nilda Reinaldu produs golu hamutuk 16 hodi dudu ses nia adversario Agia Bria husi Fc Maranatha ho golu 9, Dolores Verdiana Fc S’Amuser golu 5, Elvira Ana da Silva Ad SLB golu 5, Vanessa P Fernandes Ad SLB golu 5
About Post Author
