Dili-durante ne’e orgaun Liga Futebol Timor Leste (LFTL) seidauk taka osan Patrosinador bá Federasaun Futebol Timor Leste (FFTL), Sekretáriu Estadu Juventude no Desportu (SEJD) no bá públiku tanba relatori husi Liga fahe hotu ona bá klube sira iha kongresu ne’ebé mak hala’o iha Timor Plaza iha tinan kotuk.
Antes ne’e prezidenti klube Ponta Leste Osorio Florindo deklara ona katak,durante ne’e LFTL seidauk fó sai relatori kona-ba orsamentu Patrosinador bá klube sira no husu bá LFTL labele taka osan Patrosinador bá públiku.
Tanba ne’e Deritor Finansa LFTL Caetano Carceres Correa deklara bá públiku katak,kona-ba orsamentu Patrosinador ne’ebé mak klube sira sempre Kesi bá públiku.
“LFTL hamrik iha 2015 relatori to’o 2019 LFTL perpara livru ida fahe hotu ona bá klube sira no mós FFTL inklui SEJD iha kongresu LFTL nian bá dala rua ne’ebé mak hala’o iha Suai Rum Timor Plaza tinan kotuk”dehan bá Caetano bá jornalista iha Estadiun Munisipal Dili Kinta (25/08)
Tuir nia katak, total orsamentu Patrosinador ne’ebé mak ami hetan husi 2015 to’o 2016 hamutuk $ 47,253.07,2016 to’o 2017 $ 20,963.45 no 2017 to’o 2018 $ 13,777.25,no 2018 to’o 2019 hamutuk $ 11,897.03.
” Ha’u hakfodak oituan wainhira rona aman bá bola fó sai katak,husu bá orgaun LFTL atu tau hira,ami liga implementa no FFTL mak Regulador tuir loloos FFTL bolu LFTL atu deskuti hamutuk oinsá atu hetan apoiu husi kompania sira bá Liga atu nune’e bele organiza jogu Epoka 2022″tenik Caetano
Nia afirma,klaru LFTL iha mós dever no kometmentu atu buka patrosinador tanba agora ami hatama hela proposta bá kompania sira,maibé to’o agora seidauk responde.
Tanba ne’e mak to’o agora ami seidauk bele fó sai kona-ba orsamentu Patrosinador hira tanba ami sei buka hela.
Relatori sira ne’ebé mak LFTL fahe iha momentu kongresu ne’e,simu husi Sekretáriu Jerál FFTL Nelio Izaac iha momentu ne’ebá.
About Post Author
