Dili-tuir planu Federasaun Futebol Timor Leste (FFTL) no Orgaun Liga Futebol Timor Leste (LFTL) fó sai ona iha enkontru foin lalais ne’e katak, jogu Epoka 2022 sei hala’o iha fulan Agostu, maibé inkontru Triparte entre FFTL, LFTL no Sekretáriu Estadu Juventude no Desportu SEJD seidauk realiza, tanba sei hein konvite husi SEJD.
Ante ne’e Klube sira mós Ezizi ba LFTL, FFTL no SEJD atu inkontru hodi fó sai ona jogu Epoka ida ne’e la’o ga lalao tanba klube sira prontu ona atu kompete.
Tanba ne’e Deritor relasaun públika LFTL Diogu Neto Fraga katak,kestaun klube sira nian ne’e agora LFTL esforsu hela tanba foin lalais ami hasoru malu ho Sekretáriu Jerál FFTL no Deritor teknik ko’alia ona oinsá mak atu realiza Epoka ne’e.
“Inkontru ne’e hanesan anin foun ida atu mosu mai ona,mais Depois liu tha inkontru ne’e ezekutivu LFTL nian bá halo apdet kona-ba bainhra mak sira nain tolu atu tur hamutuk hodi ko’alia sobre finansial soport bá klube primeiru devizaun no segundu devizaun”relata Diogu bá jornalista iha Estadiun Munisipal Dili kuarta (13/07)
Nia afirma, kona-ba finansial soport bá klube sira ne’e ami ezekutivu sira labele hatene ,maibé ne’e dezisaun husi sira nain tolu hanesan prezidente FFTL, Prezidenti LFTL no SEJD ko’alia ida ne’e.
Foin lalais iha inkontru ne’e Sekretáriu jerál FFTL no Deritor teknik promete mai ha’u rasik iha loron 30 fulan Juñu dehan katak, semana ida ne’e inkontru Triparte sei hala’o,maibé to’o ohin loron mós sedauk resposta.
“Sei sira nia dezisaun nonok hela,entaun LFTL mós labele halo buat ida tanba FFTL dehan sei hein SEJD sei hasai konvite”
Ho kestaun ne’e Sekretáriu Jerál FFTL Gregorio Correa mós bá hasoru oan SEJD foin lalais ne’e atu husu halo inkontru,maibé SEJD resposta dehan hein lai depois mak haruka karta konvite bá FFTL no LFTL.
Maibé orsida ka aban FFTL sei tenta bá SEJD atu husu karta konvite ne’e bainhira mak atu haruka ba FFTL.
Entertantu,ho asuntu ne’e jornalista sira seidauk halo konfirmasaun ho SEJD tanba Sekretáriu Estadu preukupa hela ho asuntu seluk.
About Post Author
