Dili-(Desportu XYZ) orgaun Liga Futebol Timor Leste (LFTL) haruka ona proposta orsamentu hamutuk $ 240,000,00 bá Sekretáriu Estadu Juventude no Desportu (SEJD) atu organiza Liga Timorense iha tinan ne’e.
Proposta Orsamentu ne’ebé mak LFTL haruka bá SEJD ne’e iha loron 21 fulan Outubro 2022,no proposta refere haruka liu husi Federasaun Futebol Timor Leste FFTL.
Deritor finansa LFTL Kaetanu Carceres Correia hateten,ho informasaun ne’ebé mak sai iha media kona-ba SEJD nia kometmentu hodi aumenta orsamentu bá Liga no SEJD mós husu ami atu hatama proposta bá.
“Ami rona informasaun ida ne’e Orgaun Liga halo kedas perparasaun hodi haruka proposta orsamentu bá iha FFTL no sira asese hodi submete kedas bá SEJD”relata deritor finansa LFTL bá jornalista iha Estadiun Munisipal Dili tersa (25/10)
Caetano haktuir, husi orsamentu ne’ebé mak mai husi SEJD ne’e,so bá de’it alokasaun atu jere liga Timorense no orsamentu refere la inklui bá finansial soport bá klube sira tanba finansial soport ne’e apoiu dereta husi FFTL bá klube sira.
“Liga Timorense bá iha Epoka 2022 ne’ebé mak ami perpara hela ne’e tanba tuir planu liga sei hahu iha fulan Dezembru tinan ne’e”Caetano dehan
Nia sublina liu tan,kona-ba proposta ne’ebé mak ami haruka bá ne’e to’o agora orgaun Liga seidauk simu informasaun ruma husi FFTL.
Entertantu,tuir Kalendariu jogu ne’ebé orgaun Liga submete bá FFTL no SEJD katak,tuir planu liga Epoka 2022 sei hahu iha fulan Dezembru no termina iha fulan Marsu 2023.
Enkuantu,ho notisia ne’e públika Jornalista sira seidauk hetan konfirmasaun husi prezidenti FFTL Francisco Jeronimu tanba hala’o hela viajen ba rai li’ur.
About Post Author
