Dili-(Desportu XYZ) ekipa mane Ad SLB Laulara Sa’e Kampiaun Bá Taca Voleibol movimentu Juventude mudansa Cup 2022,hafoin halakon nia adversario ekipa K-Klink ho eskor 3-0.
Jogu entre ekipa rua ne’e halao iha Genajio Dili tersa ne’e ho dramatiku hodi halo ekipa Ad SLB Lidera iha set premeru ho pontos 25 kontra ekipa K-Klink ho pontos 21,set segundu Ad SLB ho Pontos 25 kontra ekipa K-Klink ho pontos 16 no set terseru 25 kontra nia adversario K-Klink ho pontos 18 hodi termina jogu vitória bá ekipa Ad SLB ukun ho eskor 3-0.
Hafoin jogu termina trenador ekipa K-Klink Rui da Costa Amaral hateten,maske ho resultadu menimu,maibé jogu nia resultadu mak hatudu duni katak ekipa K-Klink hetan segundu lugar.
“Ho resultadu ne’e ami lapara iha ne’e,maibé K-Klink sei esforsu nafatin bá iha tinan oin mai no avansa ho jogador ne’ebé mak iha hodi sa’e profesional liu tan”tenik Rui bá jornalista sira iha Genajio Dili tersa ne’e.
Tuir Rui katak,hanesan trenador ohin ha’u observa bá jogador sira nia jogu ne’e failansu liu mak teknik, Blok no baku bola mós sei menus tanba ne’e ami sei hadia di’ak liu tan iha futuru.
Iha fatin hanesan,trenador ekipa Ad SLB Mário Bentu afirma,kuandu ha’u nia ekipa sempre tama to’o final,maibé bá ha’u lakon mós ha’u simu no manán mós ha’u simu.
“planu bá oin ha’u nia jogador Juvenil feto no mane ne’ebé mak ha’u prepara ne’e bele apoiu nafatin ekipa Ad SLB bá tinan oin”
Entertantu,ekipa Ad SLB feto mós sai kampiaun bá taca mudansa Cup 2022,hafoin manán ekipa Choque feto tanba lapatersipa iha jogu refere.
Enkuantu,premeu bá premeru lugar hetan orsamentu hamutuk $400,segundu lugar $ 300,terseru lugar $ 200 no kuartu lugar $100.
No komisaun mós perpara premeu bá melhor jogador feto ho mane no mós melhor ekipa.
About Post Author
