DILI-relasiona desputa jogador entre Lalenok United ho Ponta Leste ne’ebé mak akontese iha fulan hirak liu ba,maibé orgaun Liga Fútebol Timor Leste (LFTL) ohin foti ona dezisaun ba Mohamed Momy hodi reforsa Ponta Leste iha jogu ohin kontra DIT fc.
Fo hanoin deit katak, iha loron 10 fulan Novembro liu ba LFTL fo sai ona katak jogador Mohamed Momy sei la reprezenta klubu Lalenok United no Ponta Leste iha epoka ida ne’e. tanbá klubu rua ne’e sei mantein hela sira nia pozisaun hodi lakoi resolve.
Tanbá ne’e Diretor Verifikasaun i Lisensamentu klubu LFTL Jose de Carvalho informa, dezisaun ne’ebé mak LFTL hasai iha loron hirak liu ba halo klubu Ponta Leste hanesan nain ba jogador refere la satisfas ho desizaun husi LFTL hasai no sira halo kedas rekursu mai iha orgaun juridisional.
Rekursu ne’e sira hatama mai iha loron 18 fulan Novembro tinan ne’e no orgaun juridisional halo servisu maratona iha tempu badak nia laran hodi foti desizaun tuir sira nia meritu hodi hare ba faktus balun ne’ebé mak sira rekoila husi klubu Lalenok United no Ponta Leste.
“ohin orgaun juridisional LFTL hasai ona desizaun ba desputa jogador Mohamed Momy partensi ona ba Ponta Leste hodi bele reforsa nia klubu ba jogu ohin kontra DIT” hateten jose Carvalho ba jornalista iha Xanana Sport Center sesta (19/11)
Nia dehan, hanesan orgaun LFTL hakarak hatete ba publiku katak, desputa jogador husi klubu rua ne’e laiha ona no jogador ne’e hola parte ba Ponta Leste.
“karik iha desizaun ida ne’e mak klubu ne’ebé durante ne’e iha hela desputa jogador Mohamed Momy la satisfas ho desizaun ne’e,sira mos iha deretu bele halo rekursu ba orgaun ida ne’ebé mak ás liu hanesan Federasaun Fútebol Timor Leste (FFTL) hodi bele tetu asuntu refere” afirma Carvalho
Agora ba oin LFTL konsidera jogador Mohamed Momy hanesan jogador Ponta Leste iha epoka 2021.
About Post Author
){kind=link}