DILI-Lalenok United Fc lakoi resolve desputa jogador Nataniel dos Reis ho Karketu fc,tanbá ekipa rua mantein naran jogador refere iha oragaun Liga Fútebol Timor Leste (LFTL) epoka 2021.
Prezidenti Karketu fc Jose Adilson Riberu hatete,Jogador Nataniel dos Reis ami halo kontratu ba nia,tanbá jogador refere livre husi kontratu no laiha kontratu ho klubu seluk.
Tanbá ne’e ami halo kontratu ba nia no siginifika katak Karketu iha intrese ba jogador ne’e atu mai joga hamutuk ho Karketu iha tinan ne’e no ami husu nia estatus nia deklara mai Karketu katak antes ne’e nia iha klubu Lalenok.maibé nia hatama ona karta resignasaun ba klubu to’o agora klubu seidauk responde karta ruma ba nia segnifika livre.
“ami nota katak Lalenok Laiha voavontade atu resolve jogador Nataniel dos Reis no hakarak abandona jogador ne’e atu hamate nia kareira”dehan Jose Adilson ba desportu xyz iha kampu demokrasia kuarta (27/10)
Nia afirma,Lalenok United to’o agora sei mai resistu jogador ne’e hanesan jogador Lalenok nian,tanbá ne’e ohin ami mai halo dialogu ho LFTL katak jogador Nataniel dos Reis Karketu sei mantein posizaun katak nia livre no Karketu laiha desputa ho Lalenok,maibé problema ho jogador.
Karketu la senti katak tenki halo dialogu ida makas liu kona ba transferensia jogador,tanbá wainhira ami foti nia katak jogador ida livre.
“tuir lolos ne’e Lalenok senti jogador ne’e ninian,entaun sira kontaktu seduh ona hodi ba hamutuk ho sira.maibé jogador refere halo ona perparasaun ho Karketu fulan ida ona”
Prezidenti Karketu haklaken,orgaun LFTL husu ami atu halo deskusaun as liu entre prezidenti klubu,maibé ohin ami halo ona kontaktu ho prezidenti Lalenok,maibé prezidenti seidauk responde ami nia kontaku.tanbá prezidenti sei okupadu hela serbisu seluk.
Fo hanoin deit katak Jogador Nataniel dos Reis antes ne’e dekalara ona katak,nia kontratu ne’ebé mak nia asina ho Lalenok United ho durasaun fulan 9 no remata iha fulan Novembro tinan ne’e.
Maibé asistenti trenador Lalenok United Gaspar Soares deklara mos katak jogador hotu iha Lalenok United sira nia kontratu sei remata iha fulan dezenbro tinan ide ne’e inklui Nataniel dos Reis.
About Post Author
