DILI-Prezidente klube futeból Lalenok United, Pedro Belo hato’o agradesementu ba adeptos Lalenok United hotu nia apoiu tomak durante copa federasaun futebol Timor Leste 2020 la’o to mai jogu final hodi halo Lalenok sai vensedór dala ida tan.
Tuir Pedro, ema hotu hatene estadiun Café de Ermera Gleno dook husi Dili maibé adeptos sira la hatene kole tanba deit hakara apoiu Lalenok kualker jogu.
“Ha’u agradesementu boot ba adeptos Lalenok hotu nia apoiu hodi halo Lalenok bele sai kampiaun copa FFTL 2020,”deklara Pedro ba jornalista iha estadiun café de Ermera Gleno, domingu (25/10).
Nia afirma Lalenok sei halo perparasaun ba taxa 12 Novembru no ba Liga Futebol Timor Leste iha fulan ida ne’e.
“Lalenok sei perpara liu-liu ba iha jogu AFC tanba sira fó notifikasaun ba FFTL, atu Lalenok reprezenta Timor Leste ba joga iha AFC.dehan nia
Prezidente Lalenok husu ba adeptos sira hotu atu nafatin fo apoiu imi nia atu lori Lalenok forsa nafatin iha jogu tuir mai.
Fo hanoin katak Lalenok sai kampiaun ba iha copa FFTl 2020 hetan premiu ho montante $ 15.000.00 no taxa ida. (Eug)
About Post Author
