DILI – Lalenok United kontratu jogador meiu kampu Karketu Dili FC Osvaldo Belo no kapitaun Boavista FC de Timor Nataniel dos Reis iha janela tranferensia ne’ebe mak Liga Futebol Timor-Leste loke iha dia 1 Janeiru to 31 Janeiru 2021.
Tuir treinador Lalenok United Gaspar Amaral katak Lalenok presija rekruta duni jogador meiu kampu hodi troka jogador Allan Belo ne’ebe mak antes ne’e hanesan meu kampu iha Lalenok
“Tan ne’e jogador nain rua Osvaldo no Nataniel hamutuk ho Lalenok hodi prense fatin Allan ne’ebe mak kontratu termina no jogador Fabio Christian husu feriadu fila ba hamutuk ho familia iha rai moris fatin Brazil” dehan Gaspar ba jornalista iha SEJD segunda (04/01).
Nia informa iha Lalenok mos jogador diak ida Yohanes ho naran istimimadu Anis hamutuk ona ho ekipa Boavista FC de Timor iha tinan ida ne’e.
Lalenok fiar katak jogador nain rua husi Boavista no Karketu prense ona fatin mamuk ne’ebe mak durante jogador nain rua okupa ba, dehan nia.
Gaspar sublina jogador Allan nia kontratu remata, maibe Lalenok seidauk husik nia wainhira Lalenok presija nia kontaktu fali Allan mai hamutuk fali ho ami.
“Ho ida ne’e mak Lalenok presija jogador Osvaldo Belo no Nataniel hodi troka fali jogador nain refere nia fatin atu kompete iha Liga tinan ida ne’e”.
Kona ba durasaun kontratu jogador nain rua nian hau labele hatene tanba estrutura Lalenok mak bele hatene sira nia kontratu, hatutan treinador provizoriu ne’e. (Eug)
About Post Author
