DILI-Rejistrasaun ba klubu sira ne’ebe atu tuir kompetisaun kopa Federasaun Foteból Timor-Leste (FFTL) tama ona iha fase ezekusaun.
Lia hirak ne’e hato’o husi adjuntu sekretáriu jeral FFTL Frederico Martins iha nia knar fatin FFTL, tersa (04/08).
Tanba ne’e, adjuntu sekretari ne’e afirma tan, iha semana kotuk komisaun ba halo ona observasaun kondisaun ba estadiu Ermera-Gleno nian.
Enkuantu, relasiona ho fase rejistrasaun klubu sira sei taka iha loron 04/08, semana ne’e nian laran, tan ne’e tuir adjuntu ne’e, klubu hotu preparadu atu tuir kompetisaun jogo LFA iha tinan ne’e.
“Tuir lolos rejistrasaun ba klubu sira hotu iha loron 30 fulan julho liu ba, maibe tanba loron bot ne’ebe prolonga to’o ohin, ne’ebe daudaun ne’e klubu 14 t tama ona”. Tenik nia.
Nia mos mensiona tan, bainhira klubu hirak ne’ebe mak rejistu ona, tan ne’e sei kontinua deit ho klubu hirak ne’ebe halo rejistrasaun iha FFTL atu halo kompetisaun iha kopa ne’e rasik.
Antes ne’e iha informasaun balun dehan klubu Boavista no Ultramar la existe ona tuir kompetisaun sira, maibe adjuntu sekretariu jeral FFTL ne’e deklara, klubu rua ne’e mak sai dahuluk rejistu iha FFTL atu tuir kompetisaun kopa ne’e rasik.
“Tuir federasaun nia hare, klubu sira hotu sei preparadu hela, liu-liu klubu 20 ne’e preparadu, nune’e mos klubu seluk hanesan AS Marka no sira seluk ne’ebe tuir ona iha segundu divizaun iha tinan kotuk ne’e sira preparadu hEla”. Afirma nia.
Enkuantu relasiona ho regras ne’ebe FFTL aplika, antes klubu sira halo rejistu ba jogadores sira minimu liu jogadores 18 masimu 23 jogadores.
“Kona ba tekniku ninian, liu-liu arbitru ninian, molok tama ba kompetisaun 20 de Agostu, ami hatete ona ba diresaun aritbrajen nian atu halo resfres cops ba iha arbitu sira”. Tenik nia.
Iha kompetisaun ba Jogo ne’e rasik sei akumula arbitru hamutuk 36, iha arbitu prinsipal inklui lainya sira, nune’e mos inklui asesor 10 no meetskomiser ema nain 6.
Relasiona ho kalendariu jogo refere sei akontese iha loron 20 fulan Agusto tinan ne’e iha estadiu munisipal Dili, no sei halao iha loron sexta to’o domingo. (vidal)
About Post Author
