Dili – Jogador selesaun Nasional Timor-Leste Rofino Walter Gama nia kontratu hamutuk ho klubu Lalenok United remata iha 31 Dezembro 2020, tanba ne’e jogador refere sei livre iha janela transferensia.
“Ha’u nia pozisaun agora iha klubu Lalenok United livre transferensia, tanba kontratu hamutuk ho Lalenok termina ona iha 31 Dezembro 2020 no sedauk renova kontratu foun“ relata Rufino ba media Desportu.XYZ iha kampu Demokrasia Dili, Segunda (25/01).
Maibe prezidente Lalenok sei kontaktu ha’u dehan katak agora iha hela situasaun COVID19 tanba ne’e sei paradu lai depois mak kontaktu fali ha’u hodi hasoru prezidente.
Se karik mak la hetan resposta sedu husi prezidente Lalenok! ha’u hein klubu ne’ebé deit mak kontaktu hau prontu kolia ho klubu sira atu halo kontratu.
Nia haktuir karik hau muda ba klubu seluk mós relasaun ho Lalenok diak nafatin atu nune’e labele mosu konfuzaun ba klubu rua.
Konaba informasaun hau atu muda ba Karketu Dili FC ida ne’e depende ba jestaun klubu karik bolu hau ita sei kolia kontratu lai no klubu ne’ebé deit tanba livere transferensia. (Eug).
About Post Author
