BOBONARO-kompania Marcelha ne’ebé mak responsavel ba manutensaun du’ut iha estadiun Malibaka Yamatu Maliana husu Sekretario Estadu Juventude no Desportu atu halo pagamentu lalais,tanbá trabalhador nain 7 seidauk simu salariu durante fulan tolu.
Diretor kompania Marcelha Mafalda Cadebau hateten,pupuk ne’ebé tau ba du’ut iha momentu kontratu premeru ne’e iha item ne’e fulan ida ho orsamentu $ 2100,tanbá Item servisu nian ami hatama ba ne’e ami tau ho pupuk saku ida $ 60 dolar.maibé realidade ami sosa pupuk ne’e ho saku ida ho $ 90 dolar.
“ho problema sira ne’e halo ami orsamentu laiha atu selu trabalilho sira husi fulan Setembro to mai fulan Novembro,tanbá ne’e ami husu governu liu SEJD atu halo pagamentu lalais”dehan Mafalda ba jornalista sira iha estadiun Malibaka segunda (22/11)
Nia haktuir, kompania hatama ona pagamentu antes ona,maibé biokrasia mak barak liu hodi halo trabalhador sira mai husu hela deit mai kompania.
Iha momentu ne’eba husi parte SEJD mai halo inpisaun hodi husu tanbá sá mak pupuk ne’e saku 4 deit,maibé hau dehan ba sira katak hau hamenus tia saku rua hodi hare ba kuantidade orsamentu.
Alende ne’e mos kompania Marcelha husu ba SEJD atu hasai tia du’ut iha estadiun laran atu kuda fali du’ut foun,tanbá du’ut fuik barak halo hau nia trabalhador sira loloron fokit hela du’ut fuik.
Hatan ba preokupasaun sira ne’e Sekretario Estadu Juventude no Desportu Abrão Saldanha informa,agora dadaun pagamentu iha ona hau nia liman,maibé ami sei halo fali inspensaun ba numeru material sira ne’ebé tau iha invoice ne’e sei la hanesan ho kontratu.
“hau husu ba kompania tenki halo los fali invoice lalais ba SEJD atu nune’e ami labele halo pagamentu iha tempu badak,tanbá governu selu basea ba kontratu ne’ebé mak antes iha ona.
Enkuantu kompania Marcelha hahu halo manutensaun ba du’ut iha estadiun malibaka Yamatu Maliana iha 2021,hafoin paradu tia tinan ida fulan rua.
About Post Author
