DILI – Relasiona ho deklarasaun klubu 20 husi primeru divizaun no segundu divizaun deside hodi lakoi partisipa iha Liga Fútebol Timor Leste tinan ne’e, maibé ho desizaun ne’e jogador ekipa selesaun nasional Nelson Viegas senti tristi, tanbá bele hamonu sira nia performa jogu iha tinan oin mai.
“Hanesan jogador primeiru hau senti tristi ho situasaun ida agora liga la lao iha tinan ne’e bele fo impaktu mai ami jogador sira nia performa jogu, maibé atu halo nusa klubu sira mos halo nune’e tanbá iha situasasaun pandemia covid 19 nian laran susar tebes” relata Nelson ba Desportu.xyz liu husi via Whatsapp tersa ne’e.
Eis jogador Boavista ne’e dehan, hau espera Federasaun Fútebol Timor Leste (FFTL) Liga Fútebol Timor Leste (LFTL) no mos governu liu husi Sekretario Estadu Juventude no Desportu (SEJD) bele tur hamutuk hodi rezolve problema sira ne’e, atu nune’e klubu sira bele mantein nafatin iha liga tinan ida ne’e.
Maibé situasaun ida ne’e lebele fo sala ba klubu sira, tanbá klubu sira iha mak ami mos iha sei klubu laiha ami mos labele iha.
Enkuantu konaba Boavista FC Timor nia rejignasaun foin lalais ne’e, maibé to agora seidauk iha klubu ida mak kontaktu nian tanbá liga laiha klubu sira lebele bokan.
About Post Author
