DILI – Enkontru entre tri-parti ho klubu 20 husi premeru divizaun segundu divizaun, Federasaun Fútebol Timor Leste (FFTL) no Liga Fútebol Timor Leste (LFTL) konkorda malu ona hodi foti desizaun atu realiza jogu iha fulan oin tinan ne’e.
Inkontru tri-parti ne’e realiza iha salaun Xanan Sport Center Bairo Grilhos Kinta, (23/09).
Prezidenti FFTL Francisco Jeronimo hatete, enkontru ida ohin ne’e desizaun importante rua hanesan, primeiru liga konkorda ho saida mak FFTL nia opiniaun no segundu klubu sira hotu ikus mai konkorda ho saida mak federasaun fo nafatin subsidiu ho $ 20 mil no segunda divizaun $ 10 mil, maibé ami hatama pakote ida ho covid, ho $5 mil ba klubu 20 hanesan deit ikus mai klubu sira aseita ho subsidu refere.
Maibé klubu sira ejizi tan mai FFTL katak kriteria sira ne’ebé mak atu estabelese hodi hetan sertifikadu hanesan klubu nasional, ida ne’e presija tau iha tolerância tanbá ne’e hau foti desizaun ba epoka ida ne’e mai sei iha toleransia ba sira maibé ba epoka tuir mai klubu hotu tenki prense kriteria sira ne’e.
Nia dehan, epoka ida ne’e ami iha pakote covid, maibé klubu sira atu hetan subsidu iha tinan oin mai ne’e ami ejiji kriteria lubuk ida ba klubu sira tenki prense mak hanesan, jogador sira, medical checkup, klubu nia fatin sede no estrutura klubu.
“Iha tinan ida ne’e FFTL hapara lai copa FFTL hodi hare fali ba jogu iha asosiasaun munisipiu sira, tanbá federasaun gasta osan lubuk ida ba organiza liga”
Sorin seluk prezidenti LFTL Nilton Gusmao afirma, enkontru ne’e ami ho klubu sira iha konsensu ida hodi konkorda ona ho kondisoens ne’ebé mak liga ho federasaun propoin ba klubu sira atu realiza jogu iha tinan ne’e.
“Hau sente novidades diak ba futebol atu la’o fila fali iha ita nia rai, maibé husu mos ba adeptos sira atu ba asisti jogu karik tenki uza maskara hodi tuir protokolu Organizasaun Mundial Saude nian, tanbá liga permite deit ho numeru limitadu ba adeptos sira”
Nilton haktuir, tinan ne’e ita sei fokus liu ba liga, maibé taxa 12 Novembro ami sei koalia ho komite 12 atu hare oin mak atu realiza /lae,tanbá ita hotu hatene situasaun ekonomi difisil oituan ba klubu sira.
Konaba orariu jogu ami seidauk bele publika, maibé ohin primeiru divizaun desidi ona iha 20 dias halo rejistu depois 20 dias jogu hahu.
Iha fatin hanesan manajer Fc Porto Taibesi Charles Fatima informa, hanesan klubu segundu divizaun senti kontente, tanbá bele responde ona klubu sira nia preokupasaun hodi lori futebol ne’e ba oin.
Orsamentu ne’ebé mak FFTL fo ne’e ami sente sufseinte ona atu bele jere klubu ne’e atu partisipa iha jogu fulan rua nia laran, tanbá fc Portu pronto ona atu tuir jogu hodi kontribui ba dezenvolve futebol ba oin.
About Post Author
