DILI- Sekretario Jeral Boavista Fc Timor Ezy Leong hetan konvite husi orgaun Liga Fútebol Timor-Leste hodi marka prezensa iha enkontru tri-parti entre klubu sira, Federsaun Fútebol Timor Leste (FFTL) no oragaun Liga, tanbá ne’e prezidente LFTL Nilton Gusmao espera klubu ne’ebé mak kampiaun iha treseiru epoka bele tuir hikas fali liga iha tinan ida ne’e.
Fo hanoin deit katak, foin lalais Boavista hasai ona deklarasaun iha sira nia pajina official Facebook no hatama karta mai liga hodi deklara katak Boavista rezigna a’an no lakoi partisipa iha liga no taka ona klubu refere, tanbá razaun finanseiru.
Maibé iha enkontru tri-parti ne’e klubu Boavista hetan konvite ida husi orgaun liga no Sekretario Jeral Boavista marka duni prezensa iha inkontru refere.
“Hau espera Boavista bele partisipa fali liga hanesan klubu ne’ebé mak kampiaun ona iha epoka treseiru, atu nune’e ita nia futebol animadu fali hanesan uluk” relata Nilton ba jornalista sira iha salaun Xanana Sport Center iha Kinta, (23/09).
Nia dehan, orgaun liga simu ona karta rejignasaun husi Boavista, maibé ami la halo karta ida hodi konkorda hodi aseita sira nia pedidu ne’e, tanbá ne’e ohin nia marka prezensa iha ne’e signifika nia mos iha interese atu partisipa iha liga maibé desizaun ne’e fila fali ba Boavista nia hakarak pronunsia atu hahu ka lae.
Relasiona ho asuntu refere jornalista tenta buka atu halo intervista ho sekretariu jeral Boavista, maibé fila tia ona husi fatin.
About Post Author
