DILI-Klube kampeaun primeiru devizaun Liga Futebol Timor Leste (LFTL) epoka 2021, Karketu Dili fc laiha memoria Fútebol diak ho kandidatura prezidenti FFTL tinan 2022-2026 Francisco Kalbuadi Lay. tanbá klube sira hamrik iha momentu Liga Amadora nia la ezerse nia funsaun hanesan prezidenti FFTL.
Prezidente Klube Karketu Dili fc Adilson Ribeiro afirma, hare ba kandidatura nain 3 hanesan Francisco Jeronimu, Francico Kalbuadi Lai no Nilton Gusmão ne’ebe mak sei avansa ba kongresu Federasaun Fútebol Timor Leste (FFTL) 2022-2026
“ami nia hare husi kandidatu nain 3 ne’e, klube sira laiha memoria Fútebol diak ho Francisco Kalbuadi Lay,tanbá antes klube sira hamrik iha LFA nia seidauk ezerse nia funsaun iha prezidenti FFTL”dehan Adilson ba jornalista iha Bairu Grilos segunda (17/01)
Adilson sublina, depois kandidatura Francisco Jerinimo, klube sira iha kuinesementu uituan konaba kandidatura ida ne’e, mesmu ke’e ita hare buat barak lao no barak la lao, maibé iha obra balu ke’e prezidente ne’e halo.
no kandidatura Nilton Gusmao kandidatura ne’ebé iha potensia no mos iha vizaun diak,tanbá Liga Futebol Timor Leste lao husi LFA, nia ezerse nia funsaun hanesan prezidente liga i liga ne’e lao konsege halo mudansa mai to LFTL,entaun klube iha memoria futebol diak ho kandidatura rua ne’e.
“hau hatete katak ami seidauk iha desizaun atu fo apoiu ba kandidatu se deit,hanesan klubu ami investe rasik ho ami nia finansial ami la depende ba kandidatura se deit,maibé atu fo desizaun ami sei halo inkontru jeral iha klube nia laran hodi tetu mos sira nia programa no misaun vizaun ba
futebol Timor atu lao halo nusa depois ami sei foti desizau”
Nia akresenta, Karketu mos hanesan klube ida ne’ebé mak tuir informasaun iha direitu atu tuir kongresu ida iha tinan ne’e no mos sei iha direitu ba votus tanba hanesan ekipa kampiaun primeiru divizaun LFTL epoka 2021.
Sorin seluk prezidenti Asosiasaun Fútebol Dili Weste Ipolitu Soares informa,husi parte ami nian seidauk iha informasaun atu apoiu ba kandidatura nain 3 ne’e ida.
Maibé iha hanoin atu hare ba kandidatu seluk hodi bele lori Fútebol ne’e ba oin,tanbá ita hare husi obra ne’ebé mak Francisco Kalbuadi Lay halo hanesan edefesio rua no kampu agora klubu sira mos uza hodi joga.
Maibé sira tutan mai ne’e hanesan Francisco Jeronimu laos dehan la halo,mais kuaze ita la hare.tanbá FIFA nia programa ne’e furak tebes bainhira ita aproveita futebol iha ita nia rai laran bele lao.
About Post Author
 2022-2026){kind=link}