Dili – Tuir data tentativa ne’ebé órgaun Liga Futeból Timor Leste (LFTL) anúnsiu ona katak, ba jogu segundu divizaun sei realiza iha loron 12 fulan Outubro tinan ne’e no ekipa primeira divizaun sei realiza iha loron 11 to’o 30 fulan Dezembru tinan ne’e.
Diretór verifikasaun LFTL José Carvalho katak, sira simu ona lista final jogadór sira husi klubu primeiru divizaun (8) no segundu divizaun (12) ne’ebé submete ona sira nia lista jogadores ba LFTL hodi halo verfikasaun antes partisipa iha kompetisaun jogu ba époka tinan ne’e.
“Ita sei abertura ho ekipa segundu divizaun iha loron tersa dia 12 de Outubro tinan ne’e, tanba ne’e kalendáriu preparadu no distribui ona ba klubu sira hotu”. hateten José Carvalho ba jornalista sira iha konferensia imprensa iha edifisiu LFTL, Bairo do Grilos, Sesta (08/10).
Nia mós relata, durante halo verifikasaun ba lista jogadór sira iha lakunas balun mak lista jogadór sira ne’e naran dupla, tanba rejistu naran iha klubu rua hanesan, ezemplu hanesan Lalenok United, AD-SLB, Karketu,no Boavista
Iha lista sira ne’ebé klubu submete ne’e mós iha jogadór estranjeiru balun, hanesan Gana, Indonesia,
Nunne’e mós diretór kompetisaun LFTL, Martinho da Silva reforsa, hahú aban sei loke sorteiu ba ekipa segundu divizaun hodi tuir kompetisaun ne’ebé tuir oráriu sei hahú iha loron tersa dia 12 fulan Outubro no finál iha loron 07 fulan Dezembru
Nia esplika, kompetisaun jogu ne’e sei fahe ba parte rua, hanesan grupu A no B, entre grupu rua se mak sai kampeaun ba kompetisaun ne’e nia sei promove ba ekipa primeira divizaun.
Enkuantu klubu 5 husi premeru devizaun rekruta jogador internasional hodi mai resistu iha LFTL mak hanesan, Lalenok United, Ad SLB, DIT Fc, Atletic Ultramar, Aitana Fc no total jogador estranjeiru hamutuk 17 husi nasaun Indonezia no Gana.
Entertantu, jogu refere sei utiliza kampu rua, hanesan kampu demokrasia, no Stadium Munisipal Dili. (Desportu.xyz).
About Post Author
